khoj

MORE BYSidra Afzal

    maiñ apnā naam aur paidā.ish

    khoj rahī huuñ

    ek aisī ḳhurdbīn se

    jis meñ

    pachchīsvīñ sadī āñkheñ

    lagī huī haiñ

    vo āñkheñ jin putlī safed

    aur saklīrā siyāh hai

    vo āñkheñ jo duur tak

    dekh saktī haiñ aur

    āTHvāñ rañg pahchān saktī haiñ

    jinheñ bā.isvīñ sadī ne

    daryāft karne da.avā kiyā thā

    magar ye alamiya

    jis kokh

    vaqt ke vajūd se ḳhālī hai

    merī paidā.ish ke lamhe ko

    kisī calender meñ

    nishān-zad karne se qāsir hai

    shāyad merā janm

    tiin sau saḌsaThveñ din ke

    kisī ġhair-matbūa lamhe meñ huā thā

    jise tash.hīr karte hue

    ḳhudā-e-aslī

    apnī lā-mahdūdiat duhā.ī detā rahā

    aur ḳhirāj letā rahā

    magar phir

    pluto sard aaheñ ḳhāmosh ho ga.iiñ

    surḳh patthar vaale

    surḳh pattharoñ meñ chun diye ga.e

    vajūdiyat

    pā-shikasta vajūd se

    mā-ba.ad-vajūdiyat

    tāvīleñ gaḌhtī rahī

    aur maiñ

    apnī khoj ke pātāl meñ

    janmoñ kahānī dohrāte dohrāte

    nizām-e-shamsī ke dā.ere se

    bāhar paḌī

    be-kināriyat ke samundar meñ

    jahāñ har natīja sifar hai

    main apna nam aur paidaish

    khoj rahi hun

    ek aisi KHurdbin se

    jis mein

    pachchiswin sadi ki aankhen

    lagi hui hain

    wo aankhen jin ki putli safed

    aur saklira siyah hai

    wo aankhen jo dur tak

    dekh sakti hain aur

    aaTHwan rang pahchan sakti hain

    jinhen baiswin sadi ne

    daryaft karne ka dawa kiya tha

    magar ye alamiya

    jis ki kokh

    waqt ke wajud se KHali hai

    meri paidaish ke lamhe ko

    kisi calender mein

    nishan-zad karne se qasir hai

    shayad mera janm

    tin sau saDsaThwen din ke

    kisi ghair-matbua lamhe mein hua tha

    jise tashhir karte hue

    KHuda-e-asli

    apni la-mahdudiat ki duhai deta raha

    aur KHiraj leta raha

    magar phir

    pluto ki sard aahen KHamosh ho gain

    surKH patthar wale

    surKH pattharon mein chun diye gae

    wajudiyat

    pa-shikasta wajud se

    ma-baad-wajudiyat ki

    tawilen gaDhti rahi

    aur main

    apni khoj ke patal mein

    janmon ki kahani dohraate dohraate

    nizam-e-shamsi ke daere se

    bahar ja paDi

    be-kinariyat ke samundar mein

    jahan har natija sifar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY