KHud-kushi

kisī se mashvara karnā zarā ḳhud se nikal bāhar

kabhī ḳhā.if agar ho zindagī ke pech-o-ḳham se tum

palaT kar DhūñDhnā tasvīr meñ koī hasīñ manzar

lage jab ghaT rahe ho ġham se yā shahr-e-adam se tum

purānī ādateñ hoñ yā purāne ḳhvāb hoñ dil ke

nahīñ āsān hotā hai bhulānā un ko ai hamdam

asīr-e-ḳhvāb par honā nahīñ hai dhyān ye rakhnā

hamāre hone se haiñ ḳhvāb ye in se nahīñ haiñ ham

tavānā.ī irādoñ meñ jigar meñ hausla rakkho

kisī bhī baat par yuuñ TuuT kar girnā nahīñ achchhā

ka.ī haqdār haiñ is ziist ke itnā samajh lo tum

ki karnā be-hisī haq chhīn ke marnā nahīñ achchhā

kisi se mashwara karna zara KHud se nikal bahar

kabhi KHaif agar ho zindagi ke pech-o-KHam se tum

palaT kar DhunDhna taswir mein koi hasin manzar

lage jab ghaT rahe ho gham se ya shahr-e-adam se tum

purani aadaten hon ya purane KHwab hon dil ke

nahin aasan hota hai bhulana un ko ai hamdam

asir-e-KHwab par hona nahin hai dhyan ye rakhna

hamare hone se hain KHwab ye in se nahin hain hum

tawanai iradon mein jigar mein hausla rakkho

kisi bhi baat par yun TuT kar girna nahin achchha

kai haqdar hain is zist ke itna samajh lo tum

ki karna be-hisi haq chhin ke marna nahin achchha