خودکشی

کسی سے مشورہ کرنا ذرا خود سے نکل باہر

کبھی خائف اگر ہو زندگی کے پیچ و خم سے تم

پلٹ کر ڈھونڈھنا تصویر میں کوئی حسیں منظر

لگے جب گھٹ رہے ہو غم سے یا شہر عدم سے تم

پرانی عادتیں ہوں یا پرانے خواب ہوں دل کے

نہیں آسان ہوتا ہے بھلانا ان کو اے ہمدم

اسیر خواب پر ہونا نہیں ہے دھیان یہ رکھنا

ہمارے ہونے سے ہیں خواب یہ ان سے نہیں ہیں ہم

توانائی ارادوں میں جگر میں حوصلہ رکھو

کسی بھی بات پر یوں ٹوٹ کر گرنا نہیں اچھا

کئی حق دار ہیں اس زیست کے اتنا سمجھ لو تم

کہ کرنا بے حسی حق چھین کے مرنا نہیں اچھا