KHud-kushi se pahle

zindagī naach ki har lamha hai jannat-ba-kanār

dekh ye lab haiñ ye āñkheñ ye gulābī ruḳhsār

phir na aa.egī palaT kar tirī duniyā meñ bahār

aaj kī raat ġhanīmat hai charāġhāñ kar leñ

ek añgḌā.ī jo lī khul ga.iiñ kaalī zulfeñ

phir mujhe khīñch rahī haiñ ye ghanerī palkeñ

dekh haijān se larzāñ haiñ ye aariz kī rageñ

aaj us jins-e-girāñ-bār ko arzāñ kar leñ

aaj kī raat ġhanīmat hai charāġhāñ kar leñ

dekh vo hoñT hile haath uThe saaz baje

dekh pāzeb kī har lai pe sitāre chauñke

āsmānoñ pe farishtoñ ke vuzū TuuT ga.e

aaj ma.asūm ḳhudāoñ ko bhī mehmāñ kar leñ

aaj kī raat ġhanīmat hai charāġhāñ kar leñ

raat kuchh bhiig chalī aur jamāhī aa.ī

jhilmilātī huī sham.oñ kī ziyā kaañp ga.ī

rakh de ye ātish-e-sayyāl ki phir aag lagī

āḳhirī baar har ik dard kā darmāñ kar leñ

aaj kī raat ġhanīmat hai charāġhāñ kar leñ

kyā ġharaz vaqt ke māthe pe shikan hai ki nahīñ

merī mahbūb kalā.ī meñ rasan hai ki nahīñ

terā āñchal hī shahīdoñ kā kafan hai ki nahīñ

har haqīqat ko usī ḳhvāb meñ ġhaltāñ kar leñ

aaj kī raat ġhanīmat hai charāġhāñ kar leñ

zindagi nach ki har lamha hai jannat-ba-kanar

dekh ye lab hain ye aankhen ye gulabi ruKHsar

phir na aaegi palaT kar teri duniya mein bahaar

aaj ki raat ghanimat hai charaghan kar len

ek angDai jo li khul gain kali zulfen

phir mujhe khinch rahi hain ye ghaneri palken

dekh haijaan se larzan hain ye aariz ki ragen

aaj us jins-e-giran-bar ko arzan kar len

aaj ki raat ghanimat hai charaghan kar len

dekh wo honT hile hath uThe saz baje

dekh pazeb ki har lai pe sitare chaunke

aasmanon pe farishton ke wuzu TuT gae

aaj masum KHudaon ko bhi mehman kar len

aaj ki raat ghanimat hai charaghan kar len

raat kuchh bhig chali aur jamahi aai

jhilmilati hui shamon ki ziya kanp gai

rakh de ye aatish-e-sayyal ki phir aag lagi

aaKHiri bar har ek dard ka darman kar len

aaj ki raat ghanimat hai charaghan kar len

kya gharaz waqt ke mathe pe shikan hai ki nahin

meri mahbub kalai mein rasan hai ki nahin

tera aanchal hi shahidon ka kafan hai ki nahin

har haqiqat ko usi KHwab mein ghaltan kar len

aaj ki raat ghanimat hai charaghan kar len