KHuda-hafiz

bahut muddat tumheñ DhūñDā thā sahrāoñ meñ ham ne gard hone tak

agar tum pūchh hī lete mire chehre se saarī hijratoñ kī dhuul haT jaatī

tumhāre vasl kī chhāñv jo miltī dhuup chhaT jaatī

agar tum chāhte do-chār din to ham bhī jī lete

agar tum sun hī lete hāl-e-dil to chain mil jaatā

ḳhizāñ-rut meñ 'kañval' āñgan meñ koī phuul khil jaatā

sunā hai ki du'āoñ se badal jaatī haiñ taqdīreñ

jise māñgā du'āoñ meñ agar vo mujh ko mil jaatā

chalo koī nahīñ ummīd kā dāman nahīñ chhoḌo

jahāñ se ḳhvāb TuuTā thā vahīñ se niiñd ko joḌo

use kahnā mujhe sapne meñ phir milnā ḳhudā-hāfiz

ye barsoñ kā ta'alluq tark mat karnā ḳhudā-hāfiz

use kahnā maiñ apne hoñT sī kar phir milūñgī haañ

use kahnā maiñ saare ashk pī kar phir milūñgī haañ

bahut muddat tumhein DhunDa tha sahraon mein hum ne gard hone tak

agar tum puchh hi lete mere chehre se sari hijraton ki dhul haT jati

tumhaare wasl ki chhanw jo milti dhup chhaT jati

agar tum chahte do-chaar din to hum bhi ji lete

agar tum sun hi lete haal-e-dil to chain mil jata

KHizan-rut mein 'kanwal' aangan mein koi phul khil jata

suna hai ki du'aon se badal jati hain taqdiren

jise manga du'aon mein agar wo mujh ko mil jata

chalo koi nahin ummid ka daman nahin chhoDo

jahan se KHwab TuTa tha wahin se nind ko joDo

use kahna mujhe sapne mein phir milna KHuda-hafiz

ye barson ka ta'alluq tark mat karna KHuda-hafiz

use kahna main apne honT si kar phir milungi han

use kahna main sare ashk pi kar phir milungi han