KHun ki KHushbu

ḳhuun kī ḳhushbū uḌī to

ḳhud-kushī chīḳhī ki maiñ hī zindagī huuñ

aao ab is vasl kī saa.at ko chūmo

mar ga.ī thī jīte-jī maiñ

aur tum jiine kī ḳhātir

lamha lamha mar rahe the

ḳhud masīhā bhī the aur bīmār bhī the

(aur ḳhud apnī jarāhat ke liye tayyār bhī the)

aao ab jī bhar ke sūñgho

ḳhuun kī ḳhushbū ki maiñ hī zindagī huuñ

mere hoñToñ se piyo aao, mujhe bāhoñ meñ le lo

vasl kī saa.at yahī hai

tum faqat jiine kī koshish kar rahe the

jāñ-kanī ke lā-shu.ūrī ḳhvāb se le kar vilādat

ke shu.ūrī lamha-e-be-dār tak!

KHun ki KHushbu uDi to

KHud-kushi chiKHi ki main hi zindagi hun

aao ab is wasl ki saat ko chumo

mar gai thi jite-ji main

aur tum jine ki KHatir

lamha lamha mar rahe the

KHud masiha bhi the aur bimar bhi the

(aur KHud apni jarahat ke liye tayyar bhi the)

aao ab ji bhar ke sungho

KHun ki KHushbu ki main hi zindagi hun

mere honTon se piyo aao, mujhe bahon mein le lo

wasl ki saat yahi hai

tum faqat jine ki koshish kar rahe the

jaan-kani ke la-shuuri KHwab se le kar wiladat

ke shuuri lamha-e-be-dar tak!