KHwab

ek bachchī huā kartī thī

bahut achchhī huā kartī thī

sharīr se ziyāda vo ḳhvāb huā kartī thī

machlī sī vo āñkheñ hamdam

bas ḳhvāb bunā kartī thī

ek bachchī huā kartī thī

bahut achchhī huā kartī thī

na vāsta logoñ se thā

na khelnā bātoñ se thā

na bāteñ duniyā-dārī kī thī

na matlab kī duniyā saarī thī

na qisse logoñ kī nafrat ke the

na hisse un kī hī hasrat ke the

jo TuuT ga.e kahīñ raah meñ

jo rah ga.e kahīñ bas aah meñ

rāheñ har dam saaf thī

sab kī ġhalatiyāñ bhī muaaf thī

dil meñ bojh nahīñ rakhtī thī

vo ḳhvāb se khelā kartī thī

sharīr se zyāda vo ḳhud ḳhvāb huā kartī thī

ek bachchī huā kartī thī

dil kī sachchī huā kartī thī

dostoñ kī kamī na thī

par khud se ziyāda kisī se jamī na thī

tab to rab hī bhagvān huā karte the

aur bhagvān se ham bātoñ meñ duā karte the

zabāñ pe shabd bahut saare na hoñ

par bhāūnā.ūñ kī kamī na thī

mushkiloñ ko bhī hañs kar jiite the

haañ rote be-shak the

par kabhī hausle past hoñ

āñkhoñ meñ aisī namī na thī

biite ko chhoḌ diyā shikvoñ ko bhī moḌ diyā

pyaar jahāñ se miltā thā

vahāñ ḳhud ko us ne toḌ diyā

ummīdeñ us meñ ḳhuub bharī thī

ġhalatiyāñ us ne bhī ḳhuub karī thī

par dil saaf thā uupar rab kā haath thā

to bas bātoñ meñ hī

to bas kāñToñ se bhī

dostī sachchī kyā kartī thī

ek bachchī huā kartī thī

irādoñ kī pakkī huā kartī thī

na zamāne kā Dar

vo thī be-fikr

ab zanjīreñ us pe laad dī

sau chīzeñ dimāġh meñ Daal dī

zimmedārī ke naam par

āzādī us kī maar dī

aañsū us kī kamzorī the

par kamzorī se vo zaar thī

is liye to unhī kī aaḌ meñ sab ne

jiit us se chhīn lī

har-dam us ko haar dī

par kahā na vo aam na thī

khud se vo anjān na thī

use ma.alūm thā kyā chal rahā hai

kaun kis se rahā hai hai

kaun kaise sambhal rahā hai

vo khud ko uThāne meñ maanā kartī thī

vaqt aane par

vo khud ko jhukāne meñ maanā kartī thī

maanā jiit chāhtī thī

par kisī ko girānā us kī fitrat meñ na thā

choT denā kisī ko usī hasrat meñ na thā

āḳhir rog-har thī vo

bātoñ se upchār kiyā kartī thī

logoñ ko ḳhvāb dikhā kar

ḳhud upchār huā kartī thī

ek bachchī huā kartī thī

baḌī achchhī huā kartī thī

kahīñ kho gayā vo bachpanā

kahīñ kho ga.ī vo bachchī

jo achchhī huā kartī thī

jo sachchī huā kartī thī

ab bhī dil us kā bachcha hai par duniyā dekh ro gayā

nā-ummīdī kī is bhiiḌ meñ vo ummīdoñ sañg bhī kho gayā

ek aah jo chhūTī thī ummīd us kī jo luuTī thī

use toḌ toḌ kar

ab joḌ joḌ kar

vo aas joḌne chalī hai

ruuh jaan kar apnī vo

ye raaz chhoḌne chalī hai

zanjīroñ kī is duniyā ke sab

vo bandhan toḌne chalī hai

har TeḌhī rāhoñ ko vo kuchh aise moḌ ne chalī hai

ke dikh to ho par hatāsha na ho

ek junūn ho par be-tahāsha na ho

vo chāhtī hai

har chāhat meñ ek chāhat ho

jo kisī se ġhalat na hone de

jo kisī ko ġhalat na hone de

vo chāhtī hai

har aadat meñ ek aadat ho

jo aadat bigaḌne na de

jo lat ko junūn se bhiDne na de

vo chāhtī hai

har aahaT meñ ek aahaT ho

jo dil ko bhaTakne na de

jo sahī ko ġhalat se jhaTakne na de

jo ummīdoñ ko raah meñ laTakne na de

vo chāhtī hai

har baDappan meñ bhī bachpan ho

umr chāhe phir pachpan ho

vo chāhtī hai

nā-ummīdī ke in bhañvaroñ meñ bhī

ummīdoñ kā sūraj nikle

patthar kī in mūrat meñ bhī

kahīñ to chhupā mom pighle

vo chāhtī hai

ki ek din koī jhaTkā mile

zindagī ko pata chale

ki zindagī baaqī hai

vo chāhtī hai

vo chāhtī hai ek sapnā paanā

phir se apne sapne jiinā

phir se har ik ḳhvāb bunñā

phir se har ik kāñTā chunñā

par is baar vo chāhtī hai

phir se vo ik bachchī banñā

jise gaayā kartī thī

duniyā sunāyā kartī thī

vo chāhtī hai

phir se vo ek bachchī banñā

ki duniyā phir se ga.e

ye duniyā phir sunā.e

ki ek bachchī huā kartī thī

bahut achchhī huā kartī thī

vo ḳhvāb chunñā jāntī thī

vo ḳhvāb bunñā jāntī thī

sharīr se ziyāda maiñ ḳhud ḳhvāb huā kartī thī

ek bachchī huā kartī thī

ek bachchi hua karti thi

bahut achchhi hua karti thi

sharir se ziyaada wo KHwab hua karti thi

machli si wo aankhen hamdam

bas KHwab buna karti thi

ek bachchi hua karti thi

bahut achchhi hua karti thi

na wasta logon se tha

na khelna baaton se tha

na baaten duniya-dari ki thi

na matlab ki duniya sari thi

na qisse logon ki nafrat ke the

na hisse un ki hi hasrat ke the

jo TuT gae kahin rah mein

jo rah gae kahin bas aah mein

rahen har dam saf thi

sab ki ghalatiyan bhi muaf thi

dil mein bojh nahin rakhti thi

wo KHwab se khela karti thi

sharir se zyaada wo KHud KHwab hua karti thi

ek bachchi hua karti thi

dil ki sachchi hua karti thi

doston ki kami na thi

par khud se ziyaada kisi se jami na thi

tab to rab hi bhagwan hua karte the

aur bhagwan se hum baaton mein dua karte the

zaban pe shabd bahut sare na hon

par bhaunaun ki kami na thi

mushkilon ko bhi hans kar jite the

han rote be-shak the

par kabhi hausle past hon

aankhon mein aisi nami na thi

bite ko chhoD diya shikwon ko bhi moD diya

pyar jahan se milta tha

wahan KHud ko us ne toD diya

ummiden us mein KHub bhari thi

ghalatiyan us ne bhi KHub kari thi

par dil saf tha upar rab ka hath tha

to bas baaton mein hi

to bas kanTon se bhi

dosti sachchi kya karti thi

ek bachchi hua karti thi

iradon ki pakki hua karti thi

na zamane ka Dar

wo thi be-fikr

ab zanjiren us pe lad di

sau chizen dimagh mein Dal di

zimmedari ke nam par

aazadi us ki mar di

aansu us ki kamzori the

par kamzori se wo zar thi

is liye to unhi ki aaD mein sab ne

jit us se chhin li

har-dam us ko haar di

par kaha na wo aam na thi

khud se wo anjaan na thi

use malum tha kya chal raha hai

kaun kis se raha hai hai

kaun kaise sambhal raha hai

wo khud ko uThane mein mana karti thi

waqt aane par

wo khud ko jhukane mein mana karti thi

mana jit chahti thi

par kisi ko girana us ki fitrat mein na tha

choT dena kisi ko usi hasrat mein na tha

aaKHir rog-har thi wo

baaton se upchaar kiya karti thi

logon ko KHwab dikha kar

KHud upchaar hua karti thi

ek bachchi hua karti thi

baDi achchhi hua karti thi

kahin kho gaya wo bachpana

kahin kho gai wo bachchi

jo achchhi hua karti thi

jo sachchi hua karti thi

ab bhi dil us ka bachcha hai par duniya dekh ro gaya

na-ummidi ki is bhiD mein wo ummidon sang bhi kho gaya

ek aah jo chhuTi thi ummid us ki jo luTi thi

use toD toD kar

ab joD joD kar

wo aas joDne chali hai

ruh jaan kar apni wo

ye raaz chhoDne chali hai

zanjiron ki is duniya ke sab

wo bandhan toDne chali hai

har TeDhi rahon ko wo kuchh aise moD ne chali hai

ke dikh to ho par hatasha na ho

ek junun ho par be-tahasha na ho

wo chahti hai

har chahat mein ek chahat ho

jo kisi se ghalat na hone de

jo kisi ko ghalat na hone de

wo chahti hai

har aadat mein ek aadat ho

jo aadat bigaDne na de

jo lat ko junun se bhiDne na de

wo chahti hai

har aahaT mein ek aahaT ho

jo dil ko bhaTakne na de

jo sahi ko ghalat se jhaTakne na de

jo ummidon ko rah mein laTakne na de

wo chahti hai

har baDappan mein bhi bachpan ho

umr chahe phir pachpan ho

wo chahti hai

na-ummidi ke in bhanwaron mein bhi

ummidon ka suraj nikle

patthar ki in murat mein bhi

kahin to chhupa mom pighle

wo chahti hai

ki ek din koi jhaTka mile

zindagi ko pata chale

ki zindagi baqi hai

wo chahti hai

wo chahti hai ek sapna pana

phir se apne sapne jina

phir se har ek KHwab bunna

phir se har ek kanTa chunna

par is bar wo chahti hai

phir se wo ek bachchi banna

jise gaya karti thi

duniya sunaya karti thi

wo chahti hai

phir se wo ek bachchi banna

ki duniya phir se gae

ye duniya phir sunae

ki ek bachchi hua karti thi

bahut achchhi hua karti thi

wo KHwab chunna jaanti thi

wo KHwab bunna jaanti thi

sharir se ziyaada main KHud KHwab hua karti thi

ek bachchi hua karti thi