KHwab-farosh

Razi Raziuddin

KHwab-farosh

Razi Raziuddin

MORE BYRazi Raziuddin

    phir usī shahr meñ aa.e ho palaT kar ki jahāñ

    chand hote haiñ jo tum ne dikhā.e the ḳhvāb

    chand din hote haiñ jab tum ne sajā.e the gulāb

    jin meñ ḳhushbū bhī thī aur rañg bhī mānind-e-shahāb

    tum ga.e ḳhvāb rahe aur zamāne ke azaab

    DhūñDte rah ga.e lab kitne savāloñ ke javāb

    ab jo aa.e ho to itnā karam kar jaanā

    ab ke bīmār se ḳhvāboñ mahak mat laanā

    ab jo dikhlānā to kuchh ḳhvāb na.e dikhlānā

    aise kuchh ḳhvāb zamīnoñ ko jo shādāb kareñ

    aise kuchh ḳhvāb jo shahroñ ko bhī shādāb kareñ

    aise kuchh ḳhvāb jo taqdīr ḳhayālāt ke hoñ

    aise kuchh ḳhvāb jo mīrās hoñ insānoñ

    tum jo aisā na karoge to vahī ġham hoñge

    rabt-e-bāham ke na asbāb farāham hoñge

    mutma.in ḳhud se kahīñ tum na kahīñ ham hoñge

    phir usi shahr mein aae ho palaT kar ki jahan

    chand hote hain jo tum ne dikhae the KHwab

    chand din hote hain jab tum ne sajae the gulab

    jin mein KHushbu bhi thi aur rang bhi manind-e-shahab

    tum gae KHwab rahe aur zamane ke azab

    DhunDte rah gae lab kitne sawalon ke jawab

    ab jo aae ho to itna sa karam kar jaana

    ab ke bimar se KHwabon ki mahak mat lana

    ab jo dikhlana to kuchh KHwab nae dikhlana

    aise kuchh KHwab zaminon ko jo shadab karen

    aise kuchh KHwab jo shahron ko bhi shadab karen

    aise kuchh KHwab jo taqdir KHayalat ke hon

    aise kuchh KHwab jo miras hon insanon ki

    tum jo aisa na karoge to wahi gham honge

    rabt-e-baham ke na asbab faraham honge

    mutmain KHud se kahin tum na kahin hum honge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now