KHwab

adil zaidi

KHwab

adil zaidi

MORE BYadil zaidi

    maiñ ne ḳhvāb dekhā thā

    pāniyoñ ke paar ik din

    bastī ik basā.ūñgā

    jis ke rahne vāloñ meñ

    nafrateñ nahīñ hoñgī

    sirf qurbateñ hoñgī

    bas mohabbateñ hoñgī

    yuuñ huā ki phir ik din

    ik uḌan-khaTole ne

    khaḌā kiyā mujh ko

    merī ḳhvāb bastī meñ

    nā-shanās bastī ke

    ḳhush-numā makānoñ meñ

    qurbateñ to kam kam thiiñ

    dūriyāñ ziyāda thiiñ

    is se peshtar saare

    fard fard ghaT jaa.eñ

    un na.e makānoñ ke

    fāsle simaT jaa.eñ

    kaash sab makīñ apne

    sāḳhta hisāroñ se

    ek din nikal aa.eñ

    aur mere ḳhvāboñ

    de deñ mujh ko tā'bīreñ

    kaash ḳhvāb bastī ik

    be-makān bastī ho

    kaash sab makāñ apne

    ghar meñ phir badal jaa.eñ

    ek aisā ghar ki jo

    pāniyoñ ke paar ik din

    dosh par ho ki maiñ

    pīchhe chhoḌ aayā thā

    kaash kaash gardān

    ḳhvāb ḳhvāb yuuñ gūñjī

    aañkh khul ga.ī sāhab

    aañkh jab kholī maiñ ne

    kuchh na.ī dīvāroñ ke

    ḳhud ko darmiyāñ paayā

    maiñ na.e jahāñ meñ thā

    ik na.e makāñ meñ thā

    ḳhvāb maiñ ne dekhā thā

    main ne KHwab dekha tha

    paniyon ke par ek din

    basti ek basaunga

    jis ke rahne walon mein

    nafraten nahin hongi

    sirf qurbaten hongi

    bas mohabbaten hongi

    yun hua ki phir ek din

    ek uDan-khaTole ne

    la khaDa kiya mujh ko

    meri KHwab basti mein

    na-shanas basti ke

    KHush-numa makanon mein

    qurbaten to kam kam thin

    duriyan ziyaada thin

    is se peshtar sare

    fard fard ghaT jaen

    un nae makanon ke

    fasle simaT jaen

    kash sab makin apne

    saKHta hisaron se

    ek din nikal aaen

    aur mere KHwabon ki

    de den mujh ko ta'biren

    kash KHwab basti ek

    be-makan basti ho

    kash sab makan apne

    ghar mein phir badal jaen

    ek aisa ghar ki jo

    paniyon ke par ek din

    dosh par ho ki main

    pichhe chhoD aaya tha

    kash kash ki gardan

    KHwab KHwab yun gunji

    aankh khul gai sahab

    aankh jab kholi main ne

    kuchh nai diwaron ke

    KHud ko darmiyan paya

    main nae jahan mein tha

    ek nae makan mein tha

    KHwab main ne dekha tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now