koi rahbar koi sathi koi apna na mila

Waqif rae Barelvi

koi rahbar koi sathi koi apna na mila

Waqif rae Barelvi

MORE BY Waqif rae Barelvi

    meñ vo kashtī huuñ kabhī jis ko kinārā na milā

    le liyā apnī javānī sahārā maiñ ne

    jab mujhe qaum ke hāthoñ sahārā na milā

    ho ke majbūr jahannam ko basāyā maiñ ne

    jab mujhe mandir-o-masjid meñ Thikānā na milā

    kal hiqārat se jo kahte the bhikāran mujh ko

    aaj kahte haiñ ki gulshan meñ nayā phuul khilā

    koī samjhā na merī ruuh ko ḳhāmosh pukār

    sab samajhte rahe chaltā ho sikka mujh ko

    chand lamhe to guzar jā.eñge achchhe-ḳhāse

    jis ne dekhā usī andāz se dekhā mujh ko

    kheltī hai mirī rag rag se ye paapī duniyā

    de ke kāġhaz ke khilaune mujhe bahlātī hai

    merī majrūh javānī shikasta kashtī

    kitne biphre hue tūfānoñ se Takrātī hai

    merī āġhosh ko firdaus samajhne vaalo

    tum ko ma.alūm hai kis tarah se maiñ jitnī huuñ

    chand chāñdī ke khanakte hue sakūñ ke tale

    raat phir apnī javānī lahū piitī huuñ

    gandī naalī meñ use pheñk diyā jā.egā

    vo kalī jo abhī ma.asūm hai be-parvā hai

    merī bachchī merī bachchī bhī tavā.if hogī

    saañp tarah ye ehsās mujhe dastā hai

    kal kisī qaum ke ḳhādim ne sahārā na diyā

    aaj kis muñh se ye kahte ho ki bad-kār huuñ maiñ

    maiñ tumhāre to kirdār ā.īna huuñ

    kaun kahtā hai ki paapī huuñ gunāhgār huuñ maiñ

    mein wo kashti hun kabhi jis ko kinara na mila

    le liya apni jawani ka sahaara main ne

    jab mujhe qaum ke hathon ka sahaara na mila

    ho ke majbur jahannam ko basaya main ne

    jab mujhe mandir-o-masjid mein Thikana na mila

    kal hiqarat se jo kahte the bhikaran mujh ko

    aaj kahte hain ki gulshan mein naya phul khila

    koi samjha na meri ruh ko KHamosh pukar

    sab samajhte rahe chalta ho sikka mujh ko

    chand lamhe to guzar jaenge achchhe-KHase

    jis ne dekha usi andaz se dekha mujh ko

    khelti hai meri rag rag se ye papi duniya

    de ke kaghaz ke khilaune mujhe bahlati hai

    meri majruh jawani ki shikasta kashti

    kitne biphre hue tufanon se Takraati hai

    meri aaghosh ko firdaus samajhne walo

    tum ko malum hai kis tarah se main jitni hun

    chand chandi ke khanakte hue sakun ke tale

    raat phir apni jawani ka lahu piti hun

    gandi nali mein use phenk diya jaega

    wo kali jo abhi masum hai be-parwa hai

    meri bachchi meri bachchi bhi tawaif hogi

    sanp ki tarah ye ehsas mujhe dasta hai

    kal kisi qaum ke KHadim ne sahaara na diya

    aaj kis munh se ye kahte ho ki bad-kar hun main

    main tumhaare hi to kirdar ka aaina hun

    kaun kahta hai ki papi hun gunahgar hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites