kya wahin miloge tum

Darshika wasani

kya wahin miloge tum

Darshika wasani

MORE BY Darshika wasani

    kuchh dinoñ se maiñ jab bhī

    ā.īne meñ apnī halkī safed laTeñ dekhtī huuñ

    ek jānā-pahchānā rāsta nazar aatā hai

    jis ke ek kināre tum chal rahe ho

    dūsre pe maiñ chup-chāp ajnabī ban kar

    tumhārā dhuñdlā chehra

    vo kaalī frame vaale chashme

    kānoñ ke paas ugī huī

    kuchh aisī safed lakīreñ

    maiñ tumheñ ġhaur se dekh nahīñ rahī

    bas chalte rahī huuñ tumhāre saath

    tum se duur ḳhāmoshī se

    is baar gul-mohar ke peḌ taraf nahīñ

    ek Dhaltī huī shaam or

    Dūbte hue sūraj taraf

    vo safed lakīreñ ab phail rahī hai

    halkī sunahrī raushnī meñ chāñdī chamaktī

    vo chamak merī uñgliyoñ meñ utar aatī hai

    tum se duur huuñ phir kaise

    andarūnī thakān dhīre dhīre baḌh rahī hai

    maiñ pukārnā chāhtī huuñ tumheñ

    haath baḌhā kar chhūnā

    shāyad tum bhī magar

    kaafī duur aa chuke hai ham

    aur achānak vo shaam

    gahre añdhere kueñ meñ Dūbne lagtī hai

    ek bhañvar mujhe kahīñ khīñch rahī hai

    maiñ ab tumheñ dekh nahīñ rahī

    aur tum bhī mujhe DhūñDh rahe hoñge

    tum ab bhī duur ho paas

    kis kināre pe ho ab tum

    kahīñ ye raat to nahīñ

    vahī raat jis tum zikr kiyā karte the

    vahī raat jis din nahīñ hotā

    jahāñ ham mil sakte hai

    kyā yahīñ miloge tum mujhe

    kuchh dinon se main jab bhi

    aaine mein apni halki safed laTen dekhti hun

    ek jaana-pahchana rasta nazar aata hai

    jis ke ek kinare tum chal rahe ho

    dusre pe main chup-chap ajnabi ban kar

    tumhaara dhundla sa chehra

    wo kali frame wale chashme

    kanon ke pas ugi hui

    kuchh aisi hi safed lakiren

    main tumhein ghaur se dekh nahin pa rahi

    bas chalte ja rahi hun tumhaare sath

    tum se dur KHamoshi se

    is bar gul-mohar ke peD ki taraf nahin

    ek Dhalti hui sham ki or

    Dubte hue suraj ki taraf

    wo safed lakiren ab phail rahi hai

    halki sunahri raushni mein chandi si chamakti

    wo chamak meri ungliyon mein utar aati hai

    tum se dur hun phir kaise

    andaruni thakan dhire dhire baDh rahi hai

    main pukarna chahti hun tumhein

    hath baDha kar chhuna

    shayad tum bhi magar

    kafi dur aa chuke hai hum

    aur achanak wo sham

    gahre andhere kuen mein Dubne lagti hai

    ek bhanwar mujhe kahin khinch rahi hai

    main ab tumhein dekh nahin pa rahi

    aur tum bhi mujhe DhunDh rahe honge

    tum ab bhi dur ho ya pas

    kis kinare pe ho ab tum

    kahin ye raat to nahin

    wahi raat jis ka tum zikr kiya karte the

    wahi raat jis ka din nahin hota

    jahan hum mil sakte hai

    kya yahin miloge tum mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY