aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

lal-bahadur-shastari

Arsh Malsiyani

lal-bahadur-shastari

Arsh Malsiyani

MORE BYArsh Malsiyani

    shahīd-e-qaum hai koī koī shahīd-e-vatan

    bajā hai tujh ko kahūñ maiñ agar shahīd-e-vatan

    talāsh-e-amn meñ dillī se tāshqand gayā

    kise ḳhabar thī ki bāñdhe huā thā sar se kafan

    payām-e-amn diyā jārhān-e-ālam ko

    gayā sañvār ke duniyā zindagī chalan

    kise majāl tirī baat koī kaaT sake

    dalīl terī mo.assir to pur asar hai suḳhan

    miThās baat meñ aisī ki raam ahl-e-jahāñ

    tirī zabān thī qand-o-nabāt maḳhzan

    thī ustuvār mohabbat terī dostī asaas

    fazā-e-dahr meñ koī na thā tirā dushman

    ek banda-e-darvesh thā faqīr-manash

    chalā gayā jo zamāne se jhaaḌ kar dāman

    tire ḳhulūs qaa.il hai sadr-e-pākistāñ

    kahāñ se sīkhā thā ne ye guftugū fan

    zamāne-bhar meñ huā har taraf tirā mātam

    muhīt saare jahāñ ko hue haiñ rañj-o-mehan

    qubūl ham ko kiye ne jis qadar paimāñ

    hai terī ruuh hamāre diloñ pe sāya-fagan

    hai sharq-o-ġharb meñ qaa.il har ek shaḳhs tirā

    vazīfa-ḳhvāñ-o-sanā-gar tire shumāl-o-dakan

    shahid-e-qaum hai koi koi shahid-e-watan

    baja hai tujh ko kahun main agar shahid-e-watan

    talash-e-amn mein dilli se tashqand gaya

    kise KHabar thi ki bandhe hua tha sar se kafan

    payam-e-amn diya jarhan-e-alam ko

    gaya sanwar ke duniya ki zindagi ka chalan

    kise majal teri baat koi kaT sake

    dalil teri moassir to pur asar hai suKHan

    miThas baat mein aisi ki ram ahl-e-jahan

    teri zaban thi qand-o-nabaat ka maKHzan

    thi ustuwar mohabbat teri dosti ki asas

    faza-e-dahr mein koi na tha tera dushman

    tu ek banda-e-darwesh tha faqir-manash

    chala gaya jo zamane se jhaD kar daman

    tere KHulus ka qail hai sadr-e-pakistan

    kahan se sikha tha tu ne ye guftugu ka fan

    zamane-bhar mein hua har taraf tera matam

    muhit sare jahan ko hue hain ranj-o-mehan

    qubul hum ko kiye tu ne jis qadar paiman

    hai teri ruh hamare dilon pe saya-fagan

    hai sharq-o-gharb mein qail har ek shaKHs tera

    wazifa-KHwan-o-sana-gar tere shumal-o-dakan

    Source:

    Kulliyat-e-Arsh (Pg. 380)

    • Author: Arsh Malsiyani
      • Publisher: Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now