lahu nazr de rahi hai hayat

Sahir Ludhianvi

lahu nazr de rahi hai hayat

Sahir Ludhianvi

MORE BY Sahir Ludhianvi

    mire jahāñ meñ saman-zār DhūñDne vaale

    yahāñ bahār nahīñ ātishīñ bagūle haiñ

    dhanak ke rañg nahīñ surma.ī fazāoñ meñ

    ufuq se tā-ba-ufuq phāñsiyoñ ke jhūle haiñ

    phir ek manzil-e-ḳhūñbār taraf haiñ ravāñ

    vo rahnumā jo ka.ī baar raah bhūle haiñ

    buland da.ava-e-jamhūriyat ke parde meñ

    faroġh-e-majlish-o-zindāñ haiñ tāziyāne haiñ

    ba-nām-e-amn haiñ jañg-o-jadal ke mansūbe

    ba-shor-e-adl tafāvut ke kār-ḳhāne haiñ

    diloñ pe ḳhauf ke pahre laboñ pe qufl sukūt

    suroñ pe garm salāḳhoñ ke shāmiyāne haiñ

    magar haTe haiñ kahīñ jabr aur tashaddud miTe

    vo falsafe ki jilā de ga.e dimāġhoñ ko

    koī sipāh-e-sitam pesha chuur kar na sakī

    bashar jaagī huī ruuh ke ayāġhoñ ko

    qadam qadam pe lahū nazar de rahī hai hayāt

    sipāhiyoñ se ulajhte hue charāġhoñ ko

    ravāñ hai qāfila-e-irtiqā-e-insānī

    nizām-e-ātish-o-āhan dil hilā.e hue

    baġhāvatoñ ke duhal baj rahe haiñ chaar taraf

    nikal rahe haiñ javāñ mish.aleñ jalā.e hue

    tamām arz-e-jahāñ kholtā samundar hai

    tamām koh-o-bayābāñ haiñ tilmilā.e hue

    mirī sadā ko dabānā to ḳhair mumkin hai

    magar hayāt lalkār kaun rokegā

    fasīl-e-ātish-o-āhan bahut buland sahī

    badalte vaqt raftār kaun rokegā

    na.e ḳhayāl parvāz rokne vaalo

    na.e avaam talvār kaun rokegā

    panāh letā hai jin majlisoñ meñ tiira nizām

    vahīñ se sub.h ke lashkar nikalne vaale haiñ

    ubhar rahe haiñ fazāoñ meñ ahmarīñ parcham

    kināre mashriq-o-maġhrib ke milne vaale haiñ

    hazār barq gire laakh āñdhiyāñ uTheñ

    vo phuul khil ke raheñge jo khilne vaale haiñ

    mere jahan mein saman-zar DhunDne wale

    yahan bahaar nahin aatishin bagule hain

    dhanak ke rang nahin surmai fazaon mein

    ufuq se ta-ba-ufuq phansiyon ke jhule hain

    phir ek manzil-e-KHunbar ki taraf hain rawan

    wo rahnuma jo kai bar rah bhule hain

    buland dawa-e-jamhuriyat ke parde mein

    farogh-e-majlish-o-zindan hain taziyane hain

    ba-nam-e-amn hain jang-o-jadal ke mansube

    ba-shor-e-adl tafawut ke kar-KHane hain

    dilon pe KHauf ke pahre labon pe qufl sukut

    suron pe garm salaKHon ke shamiyane hain

    magar haTe hain kahin jabr aur tashaddud miTe

    wo falsafe ki jila de gae dimaghon ko

    koi sipah-e-sitam pesha chur kar na saki

    bashar ki jagi hui ruh ke ayaghon ko

    qadam qadam pe lahu nazar de rahi hai hayat

    sipahiyon se ulajhte hue charaghon ko

    rawan hai qafila-e-irtiqa-e-insani

    nizam-e-atish-o-ahan ka dil hilae hue

    baghawaton ke duhal baj rahe hain chaar taraf

    nikal rahe hain jawan mishalen jalae hue

    tamam arz-e-jahan kholta samundar hai

    tamam koh-o-bayaban hain tilmilae hue

    meri sada ko dabana to KHair mumkin hai

    magar hayat ki lalkar kaun rokega

    fasil-e-atish-o-ahan bahut buland sahi

    badalte waqt ki raftar kaun rokega

    nae KHayal ki parwaz rokne walo

    nae awam ki talwar kaun rokega

    panah leta hai jin majlison mein tera nizam

    wahin se subh ke lashkar nikalne wale hain

    ubhar rahe hain fazaon mein ahmarin parcham

    kinare mashriq-o-maghrib ke milne wale hain

    hazar barq gire lakh aandhiyan uThen

    wo phul khil ke rahenge jo khilne wale hain

    Source:

    • Book: Kulliyat-e-Sahir Ludhianvi (Pg. 131)
    • Author: SAHIR LUDHIANVI
    • Publication: Farid Book Depot (Pvt.) Ltd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites