lamha

zindagī kī nadī meñ nahāte hue

ḳhauf khāte ho tum

jab fanā ke samundar meñ ġhote lagāoge

tab kyā karoge

so masnūī ThanDak ke maare hue

murda-ḳhāna-numā band daḌbe se niklo

jiyo

aur sāvan kī bārish meñ nācho

jiyo aur dekho

shumālī pahāḌoñ pe barfeñ pighalte hī

sabze kā joban chaḌhā hai

papīhe ne āvāz de kar

pukārā hai pī ko

so tum bhī pukāro kisī ko

suno

jab tumhāre lahū meñ jamī barf pighlegī

jharnā bahegā

to phir zindagī kī nadī aur fanā kā samundar

gale mil ke nācheñge

taaza ikaa.ī kī sūrat

uTho aur is lamha-e-jāñ-fazā ko pakaḌ lo

mabādā koī lamha-e-jāñ-gusil tum ko pā le

zindagi ki nadi mein nahate hue

KHauf khate ho tum

jab fana ke samundar mein ghote lagaoge

tab kya karoge

so masnui ThanDak ke mare hue

murda-KHana-numa band daDbe se niklo

jiyo

aur sawan ki barish mein nacho

jiyo aur dekho

shumali pahaDon pe barfen pighalte hi

sabze ka joban chaDha hai

papihe ne aawaz de kar

pukara hai pi ko

so tum bhi pukaro kisi ko

suno

jab tumhaare lahu mein jami barf pighlegi

jharna bahega

to phir zindagi ki nadi aur fana ka samundar

gale mil ke nachenge

taza ikai ki surat

uTho aur is lamha-e-jaan-faza ko pakaD lo

mabaada koi lamha-e-jaan-gusil tum ko pa le