aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

lazzat-e-gham

MORE BYMirza Mohammad Hadi Aziz Lakhnavi

    go gulistān-e-jahāñ par merī nazreñ kam paḌīñ

    aur paḌīñ bhī to ḳhudā shāhid ba-chashm-e-nam paḌīñ

    kar rahī thī fasl-e-gul jab rāz-e-qudarat āshkār

    jab ugaltī thī zamīñ ganjīna-hā-e-par-bahār

    ḳhuun ke aañsū bhare the dīda-e-namnāk meñ

    muḳhtalif shakleñ thiiñ ġham chehra-e-ġhamnāk meñ

    fitratan dil meñ na thā mere kabhī armān-e-aish

    band kar letā thā āñkheñ dekh kar sāmān-e-aish

    kyā kahūñ ai ham-nafas sair-e-chaman dāstāñ

    gul the jab shabnam-ba-kaf āñkheñ thiiñ jis din ḳhūñ-chakāñ

    ābshāroñ ke muqābil baiTh kar royā huuñ maiñ

    ḳhaar sahrā ke bichhā kar chiin se soyā huuñ maiñ

    sub.h ko jab karvaTeñ letī thiiñ nahreñ baaġh meñ

    kyā kahūñ kaisī chamak uThtī thī dil ke daaġh meñ

    maiñ ne dekhī haiñ yahāñ tāroñ bharī rāteñ bahut

    aur haiñ fitrat-e-ḳhāmosh se bāteñ bahut

    kyā batā.ūñ dil meñ mere ek barchhī gaḌī

    sub.h ko pahlī kiran sūraj jab mujh par paḌī

    mere nazzāre meñ muzmar thā mirā hāl-e-tabāh

    aabla ban kar ubhar aatī thī merī har nigāh

    raat tārīkiyoñ meñ dil bahaltā thā kabhī

    pur-ḳhatar vīrāniyoñ meñ maiñ Tahaltā thā kabhī

    kyā batā.ūñ maiñ bhaḌak uThte the kyūñkar dil ke daaġh

    jab chaman kartā thā raushan taaza kaliyoñ ke charāġh

    ashk-bārī meñ basar duniyā rāteñ maiñ ne kiiñ

    be-kasī meñ ek ik zarre se bāteñ maiñ ne kiiñ

    DabDabā aatī thiiñ āñkheñ koī hañstā thā agar

    thī nashāt-e-zindagī merī nazar meñ pur-ḳhatar

    go gulistan-e-jahan par meri nazren kam paDin

    aur paDin bhi to KHuda shahid ba-chashm-e-nam paDin

    kar rahi thi fasl-e-gul jab raaz-e-qudarat aashkar

    jab ugalti thi zamin ganjina-ha-e-par-bahaar

    KHun ke aansu bhare the dida-e-namnak mein

    muKHtalif shaklen thin gham ki chehra-e-ghamnak mein

    fitratan dil mein na tha mere kabhi arman-e-aish

    band kar leta tha aankhen dekh kar saman-e-aish

    kya kahun ai ham-nafas sair-e-chaman ki dastan

    gul the jab shabnam-ba-kaf aankhen thin jis din KHun-chakan

    aabshaaron ke muqabil baiTh kar roya hun main

    KHar sahra ke bichha kar chin se soya hun main

    subh ko jab karwaTen leti thin nahren bagh mein

    kya kahun kaisi chamak uThti thi dil ke dagh mein

    main ne dekhi hain yahan taron bhari raaten bahut

    aur ki hain fitrat-e-KHamosh se baaten bahut

    kya bataun dil mein mere ek barchhi si gaDi

    subh ko pahli kiran suraj ki jab mujh par paDi

    mere nazzare mein muzmar tha mera haal-e-tabah

    aabla ban kar ubhar aati thi meri har nigah

    raat ki tarikiyon mein dil bahalta tha kabhi

    pur-KHatar viraniyon mein main Tahalta tha kabhi

    kya bataun main bhaDak uThte the kyunkar dil ke dagh

    jab chaman karta tha raushan taza kaliyon ke charagh

    ashk-bari mein basar duniya ki raaten main ne kin

    be-kasi mein ek ek zarre se baaten main ne kin

    DabDaba aati thin aankhen koi hansta tha agar

    thi nashat-e-zindagi meri nazar mein pur-KHatar

    Source:

    Auraq-e-Aziz (Pg. 98)

    • Author: Aziz Lakhnavi
      • Publisher: Nusrat Publisher Aminabad Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now