lazzat-e-irfan

rañg-e-fitrat hai vaj.h-e-hairānī

aql hai aur hayā-e-nādānī

rāz-dāñ mudda.ā ko kahte haiñ

husn ulfat kā dāġh-e-peshānī

husn-e-bāqī ne dil ko khīñch liyā

ruḳhsat ai husn-e-hastī-e-fānī

dil hai vaqf-e-rajā-e-rahm-o-karam

jaañ hai nazr-e-razā-e-rabbānī

ab maiñ samjhī ki hai fanā-e-ḳhudī

imbisāt-e-bahisht-e-lāfānī

ġham na kar hai naqīb-e-abr-e-bahār

ḳhushkī-e-mausam-e-zamistānī

dil-e-sad-pāra ke alam gin luuñ

dekhī jā.egī sub.ha-gardānī

kar sake tai na mulk-e-irfāñ ko

ruumī o maġhribī o kirmānī

dūrū-e-bazm-e-dost ke ġham meñ

mahv-e-afġhāñ hai ik afġhānī

arsh ke kañgare pe tā.ir-e-quds

raat kartā thā yuuñ ḳhush-ilhānī

ki hai insāñ tilism-e-shān-e-ḳhudā

qadr apnī na is ne pahchānī

band kiiñ us ne jab zarā āñkheñ

khul gayā rāz-e-bazm-e-imkānī

chāra-e-rūh falsafī hai na shaiḳh

ek vahmī hai ek ḳhafaqānī

kasrat-e-īn-o-āñ meñ vahdat-e-dost

kunj-e-nāyāb kī farāvānī

shaiḳh rañj-e-bayāñ kā Dar na kare

lā-bayāñ hai ye kaif-e-vajdānī

mutashakkik hai aur shikāyat-e-hijr

nuzhat aur shukr-e-lutf-e-pinhānī

rang-e-fitrat hai wajh-e-hairani

aql hai aur haya-e-nadani

raaz-dan muddaa ko kahte hain

husn ulfat ka dagh-e-peshani

husn-e-baqi ne dil ko khinch liya

ruKHsat ai husn-e-hasti-e-fani

dil hai waqf-e-raja-e-rahm-o-karam

jaan hai nazr-e-raza-e-rabbani

ab main samjhi ki hai fana-e-KHudi

imbisat-e-bahisht-e-lafani

gham na kar hai naqib-e-abr-e-bahaar

KHushki-e-mausam-e-zamistani

dil-e-sad-para ke alam gin lun

dekhi jaegi subha-gardani

kar sake tai na mulk-e-irfan ko

rumi o maghribi o kirmani

duru-e-bazm-e-dost ke gham mein

mahw-e-afghan hai ek afghani

arsh ke kangare pe tair-e-quds

raat karta tha yun KHush-ilhani

ki hai insan tilism-e-shan-e-KHuda

qadr apni na is ne pahchani

band kin us ne jab zara aankhen

khul gaya raaz-e-bazm-e-imkani

chaara-e-ruh falsafi hai na shaiKH

ek wahmi hai ek KHafaqani

kasrat-e-in-o-an mein wahdat-e-dost

kunj-e-nayab ki farawani

shaiKH ranj-e-bayan ka Dar na kare

la-bayan hai ye kaif-e-wajdani

mutashakkik hai aur shikayat-e-hijr

nuzhat aur shukr-e-lutf-e-pinhani