le chal ai ishq

Mahshar Badayuni

le chal ai ishq

Mahshar Badayuni

MORE BY Mahshar Badayuni

    ye gulistāñ ye lab-e-jū ye parindoñ ke hujūm

    phuul par TuuT ke bhauñroñ ye raqs-e-ma.asūm

    in ġharīboñ ko mirī vahshat-e-dil kyā ma.alūm

    ġham ehsās yahāñ bhī hai ba-dastūr mujhe

    le chal ai ishq yahāñ se bhī kaheñ duur mujhe

    mutrib āsūdgī-e-sāz mujhe detā hai

    ek taskīn-e-ġham-andāz mujhe detā hai

    koī har naġhme se āvāz mujhe detā hai

    ye karishme to kiye dete haiñ mas.hūr mujhe

    le chal ai ishq yahāñ se bhī kaheñ duur mujhe

    ye vo ḳhalvat hai jahāñ ma.asiyateñ gaatī haiñ

    ismateñ kauḌiyoñ ke mol bhī bik jaatī haiñ

    shoḳh nazreñ to mire nafs ko pighlātī haiñ

    is jahannam meñ Thaharnā nahīñ manzūr mujhe

    le chal ai ishq yahāñ se bhī kaheñ duur mujhe

    is irāde se ki kāñToñ se chhuḌā luuñ dāman

    maiñ bayābāñ se palaT aayā thā sū-e-gulshan

    ḳhaar to ḳhaar yahāñ phuul bhī nikle dushman

    kar sakeñgī ye fazā.eñ bhī na masrūr mujhe

    le chal ai ishq yahāñ se bhī kahīñ duur mujhe

    mere majrūh tabassum pe ḳhafā haiñ ahbāb

    merī mazlūm ḳhamoshī pa haiñ kyā kyā na itaab

    ban nahīñ paḌtā mujhe in ke savāloñ javāb

    kyā karūñ maiñ ki ḳhushī nahīñ maqdūr mujhe

    le chal ai ishq yahāñ se bhī kaheñ duur mujhe

    ye hasīñ rah-guzreñ aur ye aivāñ saare

    jin ke saa.e se larazte haiñ ġhamoñ ke maare

    ḳhūn-e-mazdūr piye sar-ba-falak mīnāre

    mujh ko Dar hai na banā deñ kahīñ maġhrūr mujhe

    le chal ai ishq yahāñ se bhī kahīñ duur mujhe

    ye ġharībī dayār aah ye usrat jahāñ

    khokhle jism liye aah ye bhūke insāñ

    naale kartī huī lāsheñ ye asīr-e-zindāñ

    ye samāñ karne lagā muztar o ranjūr mujhe

    le chal ai ishq yahāñ se bhī kahīñ duur mujhe

    ye shivāle bhī haiñ kyā jin meñ riyā paltī hai

    yahāñ har siine meñ sañgīn badī Dhaltī hai

    yahāñ maz.hab pa ta.assub chhurī chaltī hai

    yahāñ raste se nazar aate haiñ nāsūr mujhe

    le chal ai ishq yahāñ se bhī kahīñ duur mujhe

    ye gulistan ye lab-e-ju ye parindon ke hujum

    phul par TuT ke bhaunron ka ye raqs-e-masum

    in gharibon ko meri wahshat-e-dil kya malum

    gham ka ehsas yahan bhi hai ba-dastur mujhe

    le chal ai ishq yahan se bhi kahen dur mujhe

    mutrib aasudgi-e-saz mujhe deta hai

    ek taskin-e-gham-andaz mujhe deta hai

    koi har naghme se aawaz mujhe deta hai

    ye karishme to kiye dete hain mashur mujhe

    le chal ai ishq yahan se bhi kahen dur mujhe

    ye wo KHalwat hai jahan masiyaten gati hain

    ismaten kauDiyon ke mol bhi bik jati hain

    shoKH nazren to mere nafs ko pighlati hain

    is jahannam mein Thaharna nahin manzur mujhe

    le chal ai ishq yahan se bhi kahen dur mujhe

    is irade se ki kanTon se chhuDa lun daman

    main bayaban se palaT aaya tha su-e-gulshan

    KHar to KHar yahan phul bhi nikle dushman

    kar sakengi ye fazaen bhi na masrur mujhe

    le chal ai ishq yahan se bhi kahin dur mujhe

    mere majruh tabassum pe KHafa hain ahbab

    meri mazlum KHamoshi pa hain kya kya na itab

    ban nahin paDta mujhe in ke sawalon ka jawab

    kya karun main ki KHushi ka nahin maqdur mujhe

    le chal ai ishq yahan se bhi kahen dur mujhe

    ye hasin rah-guzren aur ye aiwan sare

    jin ke sae se larazte hain ghamon ke mare

    KHun-e-mazdur piye sar-ba-falak minare

    mujh ko Dar hai na bana den kahin maghrur mujhe

    le chal ai ishq yahan se bhi kahin dur mujhe

    ye gharibi ka dayar aah ye usrat ka jahan

    khokhle jism liye aah ye bhuke insan

    nale karti hui lashen ye asir-e-zindan

    ye saman karne laga muztar o ranjur mujhe

    le chal ai ishq yahan se bhi kahin dur mujhe

    ye shiwale bhi hain kya jin mein riya palti hai

    yahan har sine mein sangin badi Dhalti hai

    yahan mazhab pa tassub ki chhuri chalti hai

    yahan raste se nazar aate hain nasur mujhe

    le chal ai ishq yahan se bhi kahin dur mujhe

    Source:

    • Book : Kulliyat-e-Mahshar Badayuni (Pg. 989)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY