load sheDDing

chīḳh timepiece kī

sub.h ke nau baj ga.e

aur palkoñ se mirī

āḳhirī suuī nikālī yuuñ ga.ī

ThanD se bajte haiñ daañt

garm paanī bhī nahīñ

ho rahā hai vaqt daftar kā bhī ab

load sheDDing aaj phir

chaar sū hai hukmrāñ

shave karne kī koī sūrat nahīñ

iron ho kis tarah

chaa.e coffē nāshta kuchh bhī nahīñ

aaj bhī ham haiñ ġhulām ibn-e-ġhulām

band kamra

saañs roke

karvaTeñ har pal badaltā hī rahā

sub.h kī ThanDī havā dastak nahīñ detī kabhī

merī peshānī ko chūme mehr-e-tāza kī kiran

ye muqaddar meñ kahāñ

bhaap

bijlī

aur police

ab kitāb-e-zindagī ke bas yahī 'unvān haiñ

chiKH timepiece ki

subh ke nau baj gae

aur palkon se meri

aaKHiri sui nikali yun gai

ThanD se bajte hain dant

garm pani bhi nahin

ho raha hai waqt daftar ka bhi ab

load sheDDing aaj phir

chaar su hai hukmran

shawe karne ki koi surat nahin

iron ho kis tarah

chae coffee nashta kuchh bhi nahin

aaj bhi hum hain ghulam ibn-e-ghulam

band kamra

sans roke

karwaTen har pal badalta hi raha

subh ki ThanDi hawa dastak nahin deti kabhi

meri peshani ko chume mehr-e-taza ki kiran

ye muqaddar mein kahan

bhap

bijli

aur police

ab kitab-e-zindagi ke bas yahi 'unwan hain