malik-ram

Arsh Malsiyani

malik-ram

Arsh Malsiyani

MORE BYArsh Malsiyani

    sāhab-e-mulk-e-ilm mālik-rām

    mālik-e-mulk-e-hilm mālik-rām

    maulid-e-pāk phāliya zamīñ

    hīr-o-rānjhā sar-zamīñ ke qarīñ

    shahr-e-gujrāt meñ rahe hai ye muqīm

    arz-e-lahore meñ huī ta.alīm

    nekī-o-ḳhair-o-ḳhalq meñ faiyyaz

    dostī ke bahut baḌe nabbāz

    kārvāñ kār-gāh-e-hikmat ke

    la.al ik ma.adan-e-mohabbat ke

    talabā ke shafīq-o-yāvar haiñ

    bahr tahqīq ke shanāvar haiñ

    akmal-o-afazal-o-alīm-o-ḳhatīb

    akram-o-āzam-o-sharīf-o-nahīf

    sāhib-e-ifqra-o-banda-e-durvesh

    dostoñ ke baḌe aqīde kesh

    un ke maslak meñ be-riyā.ī hai

    un rindī meñ pārsā.ī hai

    nasr meñ un nazm bū-bās

    nazm intihā ke ramz-shanās

    kis qadar ān-bān hai un

    be-niyāzāna shaan hai un

    ab bhī chehre pe hai shabāb nuur

    sar-basar ilm sharāb nuur

    baat karne meñ phuul jhaḌte haiñ

    kabhī laḌte na ye jhagaḌte haiñ

    ilm justujū pe jaan nisār

    bahar-e-tahqīq roz-o-shab bedār

    rāh-e-tahqīq pe chale haiñ mudām

    chhān Daale irāq-o-misr-o-shām

    ġhermany ruus belgium london

    har jagah dekhe ilm ke ma.adan

    kārvāñ ilm hai tez ḳhirām

    aur us ke amiir mālik-rām

    sāhab-e-ilm-o-sāhab-e-iḳhlāq

    dostī meñ ye fard ḳhalq meñ taaq

    āshtī aur ilm ik ganj

    un se pahuñchā nahīñ kisī ko rañj

    ramz-dāñ haiñ ye fikr-e-ġhālib ke

    haiñ musannif ye zikr-e-ġhālib ke

    mohtaram dost arsh-e-farshī ke

    haiñ murattab ye nazr-e-arshī ke

    haiñ ba-har-rañg ālimoñ ke habīb

    nazr-e-zākir unhoñ ne tartīb

    arabī fārsī ho urdu

    un bātoñ meñ sab hai ḳhushbū

    un tasnīf aurat aur islām

    pā.egī dahr meñ baqā-e-davām

    ḳhuub likhā talāzimā haal

    ḳhāndān-e-asad husn maqāl

    gul-e-ra.anā hai nusḳha-e-artañg

    ye bhī bā-kaif hai gul-e-sad-rañg

    baratnā bam ki armuġhāñ ba-daham

    bas ġhanīmat ki qalb-o-jāñ ba-daham

    ilm daada az nazar-e-tamkīñ

    rahnumā-e-ba-rāh-e-ilm-o-yaqīñ

    zehn farḳhanda maġhz tābinda

    baad dar shahr-e-ilm pā.inda

    ro rāz-e-hirs-o-āz-o-tama-o-havas

    nek-ḳhū nek-qalb-o-nek-nafs

    sahhr-e-nā-murdamān-o-had-e-āzād

    bas hameñ mard-ast ḳhush-atvār

    mulk-e-ma.anī bādshāh hai ye

    shahr-e-inshā kaj-kulāh hai ye

    ḳhatm hai arsh ab duā pe kalām

    ye raheñ bā-murād-o-shād mudām

    husn-e-sīrat sham.a jaltī rahe

    shāḳh-e-ummīd aur phaltī rahe

    zindagī ko mile nashāt tamām

    pur hamesha rahe surūr jaam

    nūr-e-ḳhurshīd tarah damke

    ilm-o-tahqīq ziyā chamke

    ilm raushnī baḌhāte raheñ

    ham ko bhī kuchh na kuchh sikhāte raheñ

    sahab-e-mulk-e-ilm malik-ram

    malik-e-mulk-e-hilm malik-ram

    maulid-e-pak phaaliya ki zamin

    hir-o-ranjha ki sar-zamin ke qarin

    shahr-e-gujraat mein rahe hai ye muqim

    arz-e-lahore mein hui talim

    neki-o-KHair-o-KHalq mein faiyyaz

    dosti ke bahut baDe nabbaz

    karwan kar-gah-e-hikmat ke

    lal ek madan-e-mohabbat ke

    talaba ke shafiq-o-yawar hain

    bahr tahqiq ke shanawar hain

    akmal-o-afazal-o-alim-o-KHatib

    akram-o-azam-o-sharif-o-nahif

    sahib-e-ifqra-o-banda-e-durwesh

    doston ke baDe aqide kesh

    un ke maslak mein be-riyai hai

    un ki rindi mein parsai hai

    nasr mein un ki nazm ki bu-bas

    nazm ki intiha ke ramz-shanas

    kis qadar aan-ban hai un ki

    be-niyazana shan hai un ki

    ab bhi chehre pe hai shabab ka nur

    sar-basar ilm ki sharab ka nur

    baat karne mein phul jhaDte hain

    kabhi laDte na ye jhagaDte hain

    ilm ki justuju pe jaan nisar

    bahar-e-tahqiq roz-o-shab bedar

    rah-e-tahqiq pe chale hain mudam

    chhan Dale iraq-o-misr-o-sham

    ghermany rus belgium london

    har jagah dekhe ilm ke madan

    karwan ilm ka hai tez KHiram

    aur us ke amir malik-ram

    sahab-e-ilm-o-sahab-e-iKHlaq

    dosti mein ye fard KHalq mein taq

    aashti aur ilm ka ek ganj

    un se pahuncha nahin kisi ko ranj

    ramz-dan hain ye fikr-e-ghaalib ke

    hain musannif ye zikr-e-ghaalib ke

    mohtaram dost arsh-e-farshi ke

    hain murattab ye nazr-e-arshi ke

    hain ba-har-rang aalimon ke habib

    nazr-e-zakir unhon ne di tartib

    arabi farsi ho ya urdu

    un ki baaton mein sab ki hai KHushbu

    un ki tasnif aurat aur islam

    paegi dahr mein baqa-e-dawam

    KHub likha talazima ka haal

    KHandan-e-asad ka husn maqal

    gul-e-rana hai nusKHa-e-artang

    ye bhi ba-kaif hai gul-e-sad-rang

    baratna bam ki armughan ba-daham

    bas ghanimat ki qalb-o-jaan ba-daham

    ilm ra dada az nazar-e-tamkin

    rahnuma-e-ba-rah-e-ilm-o-yaqin

    zehn farKHanda maghz tabinda

    baad dar shahr-e-ilm painda

    ro raaz-e-hirs-o-az-o-tama-o-hawas

    nek-KHu nek-qalb-o-nek-nafs

    sahhr-e-na-murdaman-o-had-e-azad

    bas hamein mard-ast KHush-atwar

    mulk-e-mani ka baadshah hai ye

    shahr-e-insha ka kaj-kulah hai ye

    KHatm hai arsh ab dua pe kalam

    ye rahen ba-murad-o-shad mudam

    husn-e-sirat ki shama jalti rahe

    shaKH-e-ummid aur phalti rahe

    zindagi ko mile nashat tamam

    pur hamesha rahe surur ka jam

    nur-e-KHurshid ki tarah damke

    ilm-o-tahqiq ki ziya chamke

    ilm ki raushni baDhate rahen

    hum ko bhi kuchh na kuchh sikhate rahen

    Source :
    • Book : Kulliyat-e-Arsh (Pg. 403)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY