maha-bhaarat

Ghazanfar

maha-bhaarat

Ghazanfar

MORE BYGhazanfar

    bin-lāden

    torā-borā meñ hotā

    to aisī mahsharī maar

    jis se

    pahāḌ surma ban ga.e

    zamīn raakh ho ga.ī

    āsmān siyāh paḌ gayā

    kab ḳhatm ho chukā hotā

    magar kurra-e-arz par jagah jagah

    haibatnāk ātishīñ phuñkāreñ

    karbnāk dil-doz chīḳheñ

    is haqīqat ġhammāz haiñ

    ki bin-lāden

    mirā nahīñ

    zinda hai

    ye phuñkāreñ aur chīḳheñ

    is baat bhī dalīl haiñ

    ki lāden

    torā-borā ke alāva

    dūsre ḳhittoñ meñ bhī maujūd hai

    savāl ye hai ki

    lāden ḳhatm kyuuñ nahīñ huā

    kyā vo vāqa.ī itnā zabardast hai

    ki saare jahān majmūī tāqat bhī

    us ke aage hech hai

    kyā us ne āb-e-hayāt hai

    ki kabhī mar nahīñ saktā

    kyā vo qafas bin gayā hai

    ki apnī ḳhākistar se phir paidā ho jaatā hai

    kyā vo shud sikandarī hai

    ki yājūj-mājūj zabāneñ

    use puurī tarah chaaT nahīñ pātīñ

    kyā vo rāvan hai

    ki us ek sar afghanistan meñ

    to baaqī nau dūsre jahāñ meñ

    aur kyā us ne koī vardān liyā hai

    ki sar kaT kar phir dhaḌ se aa lagtā hai

    kyā vo bhisham-pitāma hai

    ki apnī achchhā ke baġhair mar nahīñ saktā

    kyā us ne apnā clone banā liyā hai

    ki us ḳhātma nā-mumkin ho gayā hai

    savāl ye bhī hai

    ki mīzā.iloñ nishāna chuuk kyuuñ jaatā hai

    kyā un ke purze Dhīle haiñ

    ki vo apnā tavāzun kho baiThtī haiñ

    be-samtī shikār ho jaatī haiñ

    kyā vo andhī haiñ

    ki bin-lāden ko dekh nahīñ pātīñ

    kyā un bīnā.ī kamzor hai

    ki vo lāden aur ġhair-lāden meñ tamīz nahīñ kar pātīñ

    bin lāden koī sach to nahīñ

    ki shakunī chaal us ke aage nākām ho jaa.e

    vo lākshā girah se bach kar nikal jaa.e

    agyāt-bass se vāpas aa jaa.e

    us chīr-haran na ho sake

    tīroñ shayyā par zinda rah jaa.e

    kahīñ aisā to nahīñ

    ki missileñ use mārnā nahīñ chāhatīñ

    agar aisā hai

    to ye mahsharī maar

    kis ke liye

    ye musalsal yalġhār

    kyuuñ

    hairān-o-pareshān arjun

    krukshetra meñ chīḳhtā phir rahā hai

    magar aaj mahā-bhārat meñ

    in savāloñ javāb dene vaalā

    koī kirshn nahīñ

    koī kirshn nahīñ

    bin-laden

    tora-bora mein hota

    to aisi mahshari mar

    jis se

    pahaD surma ban gae

    zamin rakh ho gai

    aasman siyah paD gaya

    kab ka KHatm ho chuka hota

    magar kurra-e-arz par jagah jagah

    haibatnak aatishin phunkaren

    karbnak dil-doz chiKHen

    is haqiqat ki ghammaz hain

    ki bin-laden

    mera nahin

    zinda hai

    ye phunkaren aur chiKHen

    is baat ki bhi dalil hain

    ki laden

    tora-bora ke alawa

    dusre KHitton mein bhi maujud hai

    sawal ye hai ki

    laden KHatm kyun nahin hua

    kya wo waqai itna zabardast hai

    ki sare jahan ki majmui taqat bhi

    us ke aage hech hai

    kya us ne aab-e-hayat pi li hai

    ki kabhi mar nahin sakta

    kya wo qafas bin gaya hai

    ki apni KHakistar se phir paida ho jata hai

    kya wo shud sikandari hai

    ki yajuj-majuj ki zabanen

    use puri tarah chaT nahin patin

    kya wo rawan hai

    ki us ka ek sar afghanistan mein

    to baqi nau dusre jahan mein

    aur kya us ne koi wardan pa liya hai

    ki sar kaT kar phir dhaD se aa lagta hai

    kya wo bhisham-pitama hai

    ki apni achchha ke baghair mar nahin sakta

    kya us ne apna clone bana liya hai

    ki us ka KHatma na-mumkin ho gaya hai

    sawal ye bhi hai

    ki mizailon ka nishana chuk kyun jata hai

    kya un ke purze Dhile hain

    ki wo apna tawazun kho baiThti hain

    be-samti ka shikar ho jati hain

    kya wo andhi hain

    ki bin-laden ko dekh nahin patin

    kya un ki binai kamzor hai

    ki wo laden aur ghair-laden mein tamiz nahin kar patin

    bin laden koi sach to nahin

    ki shakuni ki chaal us ke aage nakaam ho jae

    wo laksha girah se bach kar nikal jae

    agyat-bass se wapas aa jae

    us ka chir-haran na ho sake

    tiron ki shayya par zinda rah jae

    kahin aisa to nahin

    ki missilen use marna hi nahin chahatin

    agar aisa hai

    to ye mahshari mar

    kis ke liye

    ye musalsal yalghaar

    kyun

    hairan-o-pareshan arjun

    krukshetra mein chiKHta phir raha hai

    magar aaj ki maha-bhaarat mein

    in sawalon ka jawab dene wala

    koi kirshn nahin

    koi kirshn nahin

    Videos
    This video is playing from YouTube

    Videos
    This video is playing from YouTube

    Ghazanfar

    Ghazanfar

    Source:

    • Book : Aank Mein Luknat (Pg. 208)
    • Author : Ghazanfar
    • Publication : Maktaba Jamia Ltd. (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY