mai-shikasta-dili ai harif-e-zauq-e-numu

mai-shikasta-dilī ai harīf-e-zauq-e-numū

kisī guzishta sadī ke utāq-e-vīrāñ se

na Daal aur mire dil pe sāya-e-gesū

vo ankabūt jo tār-e-nafas meñ jiite haiñ

na jaane kaise dar aa.e haiñ terī mahfil meñ

ki ḳhuun ye bhī tire rat-jagoñ kā piite haiñ

maiñ jāntā huuñ kise mil sakī kise na milī

vo gul-sarā.e bahisht-e-āfrīñ magar phir bhī

mujhe nahufta na rakh ai mai-e-shikasta-dilī

mire zuhūr meñ kuchh mumkināt mere haiñ

maiñ dekh paañv agar tujh se is ufuq se pare

to phir ye saare daraḳhshāñ jihāt mere haiñ

mai-shikasta-dili ai harif-e-zauq-e-numu

kisi guzishta sadi ke utaq-e-viran se

na Dal aur mere dil pe saya-e-gesu

wo ankabut jo tar-e-nafas mein jite hain

na jaane kaise dar aae hain teri mahfil mein

ki KHun ye bhi tere rat-jagon ka pite hain

main jaanta hun kise mil saki kise na mili

wo gul-sarae bahisht-e-afrin magar phir bhi

mujhe nahufta na rakh ai mai-e-shikasta-dili

mere zuhur mein kuchh mumkinat mere hain

main dekh panw agar tujh se is ufuq se pare

to phir ye sare daraKHshan jihat mere hain