میں اور تم
تم سورج میں رنگ کرن
تم ساگر ہو میں موج مگن
تم کھلا سمندر میں قطرہ
تم سچ ہو اور میں افسانہ
تم روشن دن میں شب زادی
تم روشنیاں پھیلاتے ہو
ذرہ ذرہ چمکاتے ہو
میں ایک پجارن دیو داسی
چپکے سے باہر آتی ہوں
اور کرنوں کی اس برکھا میں
اپنا تن من نہلاتی ہوں
تم جیون جوت جگاتے ہو
اور مجھ کو بھی چمکاتے ہو
تم رنگ بھرا مدھو شالہ ہو
اور میں تو خالی پیالہ ہوں
تم دھرتی کا اجیالا ہو
میں رات کا گہرا سناٹا
تم جھلمل جھلمل مالا ہو
میں پیر میں چبھتا اک کانٹا
ہر موسم کا ہو روپ بھی تم
سایہ بھی تم ہو دھوپ بھی تم
میں کون ہوں کوئی بتائے تو
اس گتھی کو سلجھائے تو
مأخذ:
دھڑکن (Pg. 122)
- مصنف: صادقہ فاطمی
-
- ناشر: اندر کمار گجرال
- سن اشاعت: 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
