کس سے پوچھوں کہ جھوٹ سچ کیا ہے
تیرگی کیا ہے روشنی کیا ہے
کون معیار خیر و شر سمجھائے
کون تکذیب جبر و جہل کرے
وقت کس سمت ہے رواں پیہم
وجہ تخلیق و ارتقا کیا ہے
زندگی وہم ہے حقیقت ہے
شجر درد سایۂ غم ہے
کس سے مفہوم ما و من پوچھوں
کون تقدیر حسن و عشق بتائے
کس سے پوچھوں صلیب و دار کا راز
عظمت جام زہر کون بتائے
عقل و دانش پہ کفر کے فتوے
فکر و فن پر ہے تہمت الحاد
اس تقدس مآب دنیا میں
کس سے پوچھوں میں کون ہوں کیا ہوں
کوئی افسانہ کوئی خواب ہوں میں
کوئی تحریر نا تمام ہوں میں
کوئی صحرائے درد و کرب ہوں میں
خوف و خدشات کے جہنم میں
کتنی صدیوں سے جل رہا ہوں میں
مأخذ:
امکان (Pg. 91)
- مصنف: مسلم شمیم
-
- ناشر: جاوداں پبلیکیشنز، کراچی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
