aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main nafi mein

Daniyal Tareer

main nafi mein

Daniyal Tareer

MORE BYDaniyal Tareer

    nahīñ maiñ nahīñ huuñ

    kisī dūsre ne mujhe ''maiñ'' kahā hai

    to meñ ho gayā huuñ

    nafas khīñchtā huuñ

    magar zindagī merī ḳhvāhish nahīñ hai

    mujhe zindagī ne chunā hai

    lihāza mire faisle zindagī kar rahī

    maiñ rotā nahīñ huuñ

    mirī aañkh se os ke phuul

    ġham havā.eñ girātī haiñ

    kaliyāñ hañsī

    mire lab pe khiltī nahīñ haiñ

    ḳhushī bahāreñ khilātī haiñ

    ḳhud aatī jaatī haiñ dil meñ tamannā.eñ

    maiñ kab bulātā huuñ

    (merī kamā.ī

    faqat nā-rasā.ī hai)

    maiñ ne mohabbat bhī kab muntaḳhab hai

    us ne mujhe apnī fahrist meñ likh liyā hai

    mujhe ḳhvāb aate nahīñ haiñ

    so ḳhvāboñ ne tai kar liyā hai

    ki ā.inda vo merī āñkhoñ ke bosoñ se

    kosoñ ke lambe safar par chaleñge

    nahīñ maiñ kavī bhī nahīñ huuñ

    mujhe nazm likhtī hai

    maiñ nazm likhtā nahīñ huuñ

    nahin main nahin hun

    kisi dusre ne mujhe main kaha hai

    to mein ho gaya hun

    nafas khinchta hun

    magar zindagi meri KHwahish nahin hai

    mujhe zindagi ne chuna hai

    lihaza mere faisle zindagi kar rahi

    main rota nahin hun

    meri aankh se os ke phul

    gham ki hawaen giraati hain

    kaliyan hansi ki

    mere lab pe khilti nahin hain

    KHushi ki bahaaren khilati hain

    KHud aati jati hain dil mein tamannaen

    main kab bulata hun

    (meri kamai

    faqat na-rasai hai)

    main ne mohabbat bhi kab muntaKHab ki hai

    us ne mujhe apni fahrist mein likh liya hai

    mujhe KHwab aate nahin hain

    so KHwabon ne tai kar liya hai

    ki aainda wo meri aankhon ke boson se

    koson ke lambe safar par chalenge

    nahin main kawi bhi nahin hun

    mujhe nazm likhti hai

    main nazm likhta nahin hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now