maine chand aur sitaron ki tamanna ki thi

maiñ ne chāñd aur sitāroñ kī tamannā kī thī

mujh ko rātoñ kī siyāhī ke sivā kuchh na milā

maiñ vo naġhma huuñ jise pyaar kī mahfil na milī

vo musāfir huuñ jise koī bhī manzil na milī

zaḳhm paa.e haiñ bahāroñ kī tamannā kī thī

maiñ ne chāñd aur sitāroñ kī tamannā kī thī

kisī gesū kisī āñchal kā sahārā bhī nahīñ

rāste meñ koī dhuñdlā sā sitāra bhī nahīñ

merī nazroñ ne nazāroñ kī tamannā kī thī

maiñ ne chāñd aur sitāroñ kī tamannā kī thī

dil meñ nākām umīdoñ ke basere paa.e

raushnī lene ko niklā to añdhere paa.e

rañg aur nuur ke dhāroñ kī tamannā kī thī

maiñ ne chāñd aur sitāroñ kī tamannā kī thī

merī rāhoñ se judā ho ga.iiñ rāheñ un kī

aaj badlī nazar aatī haiñ nigāheñ un kī

jin se is dil ne sahāroñ kī tamannā kī thī

maiñ ne chāñd aur sitāroñ kī tamannā kī thī

pyaar māñgā to sisakte hue armān mile

chain chāhā to umaDte hue tūfān mile

Dūbte dil ne kināroñ kī tamannā kī thī

maiñ ne chāñd aur sitāroñ kī tamannā kī thī

main ne chand aur sitaron ki tamanna ki thi

mujh ko raaton ki siyahi ke siwa kuchh na mila

main wo naghma hun jise pyar ki mahfil na mili

wo musafir hun jise koi bhi manzil na mili

zaKHm pae hain bahaaron ki tamanna ki thi

main ne chand aur sitaron ki tamanna ki thi

kisi gesu kisi aanchal ka sahaara bhi nahin

raste mein koi dhundla sa sitara bhi nahin

meri nazron ne nazaron ki tamanna ki thi

main ne chand aur sitaron ki tamanna ki thi

dil mein nakaam umidon ke basere pae

raushni lene ko nikla to andhere pae

rang aur nur ke dhaaron ki tamanna ki thi

main ne chand aur sitaron ki tamanna ki thi

meri rahon se juda ho gain rahen un ki

aaj badli nazar aati hain nigahen un ki

jin se is dil ne sahaaron ki tamanna ki thi

main ne chand aur sitaron ki tamanna ki thi

pyar manga to sisakte hue arman mile

chain chaha to umaDte hue tufan mile

Dubte dil ne kinaron ki tamanna ki thi

main ne chand aur sitaron ki tamanna ki thi