main saz DhunDti rahi

Ada Jafarey

main saz DhunDti rahi

Ada Jafarey

MORE BYAda Jafarey

    ehsās-e-avvalīñ

    ek mauhūm iztirāb hai

    ik talātum pech-o-tāb hai

    umDe aate haiñ ḳhud-ba-ḳhud aañsū

    dil pe qaabū na aañkh par qaabū

    dil meñ ik dard mīThā mīThā

    rañg chehre phīkā phīkā

    zulf bikhrī huī pareshāñ-hāl

    aap aap huā hai niDhāl

    siine meñ ik chubhan hotī hai

    āñkhoñ meñ kyuuñ jalan hotī hai

    sar meñ pinhāñ tasavvur-e-mauhūm

    haa.e ye ārzū-e-nā-mālūm

    ek naala hai baġhair āvāz

    ek halchal hai na soz na saaz

    kyuuñ ye hālat hai be-qarārī

    saañs bhī khul ke aa nahīñ saktī

    ruuh meñ intishār kyā hai

    dil ko ye intizār kyā hai

    ehsas-e-awwalin

    ek mauhum iztirab sa hai

    ek talatum sa pech-o-tab sa hai

    umDe aate hain KHud-ba-KHud aansu

    dil pe qabu na aankh par qabu

    dil mein ek dard miTha miTha sa

    rang chehre ka phika phika sa

    zulf bikhri hui pareshan-haal

    aap hi aap ji hua hai niDhaal

    sine mein ek chubhan si hoti hai

    aankhon mein kyun jalan si hoti hai

    sar mein pinhan tasawwur-e-mauhum

    hae ye aarzu-e-na-malum

    ek nala sa hai baghair aawaz

    ek halchal si hai na soz na saz

    kyun ye haalat hai be-qarari ki

    sans bhi khul ke aa nahin sakti

    ruh mein intishaar sa kya hai

    dil ko ye intizar sa kya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY