majid-amjad ke liye

Abrar Ahmad

majid-amjad ke liye

Abrar Ahmad

MORE BY Abrar Ahmad

    tum aate ho duur des se

    duur des se aane vāloñ par

    har koī hañstā hai

    dil Dartā hai

    jab sard havā ke āñchal meñ

    muñh Dhāñp parinde sote haiñ

    jab shaam Dhale dīvāroñ par

    kuchh saa.e gaD-maD hote haiñ

    kuchh shakleñ rañg jamātī haiñ

    ujḌī ujḌī dahlīzoñ par

    ḳhāmoshī dastak detī hai

    aur band kivāḌoñ tanhā.ī

    har-sū ḳhaak uḌātī hai

    is lamhe koī

    dil meñ karvaT letā hai

    jab vaqt ke kāhil māthe par

    nāmoñ būñdeñ girtī haiñ

    miTTī meñ ḳhushbū gholtī haiñ

    har phuul ke dil meñ

    aatī rut dhaḌkā jāgne lagtā hai

    tab dhyān meñ jaane kis bastī se

    dhīme dhīme qadmoñ āvāz sunā.ī detī hai

    tum aate ho

    tum aaoge

    dil Dartā hai

    tum aate ho dur des se

    dur des se aane walon par

    har koi hansta hai

    dil Darta hai

    jab sard hawa ke aanchal mein

    munh Dhanp parinde sote hain

    jab sham Dhale diwaron par

    kuchh sae gaD-maD hote hain

    kuchh shaklen rang jamati hain

    ujDi ujDi dahlizon par

    KHamoshi dastak deti hai

    aur band kiwaDon ki tanhai

    har-su KHak uDati hai

    is lamhe koi

    dil mein karwaT leta hai

    jab waqt ke kahil mathe par

    namon ki bunden girti hain

    miTTi mein KHushbu gholti hain

    har phul ke dil mein

    aati rut ka dhaDka jagne lagta hai

    tab dhyan mein jaane kis basti se

    dhime dhime qadmon ki aawaz sunai deti hai

    tum aate ho

    tum aaoge

    dil Darta hai

    Source:

    • Book : Aakhrii Din Se pehle (Pg. 67)
    • Author : Abrar Ahmed
    • Publication : Tahir Aslam Gora, Gora Publishers (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY