makin nahin koi

mire qarīb to 'aurat hī zindagī hai yahāñ

isī badan se taḳhayyul kī hai numūdārī

isī kī naaf se juḌnā hai zindagī kī baqā

isī ke sīna-e-qulzum se kā.enāt meñ nam

isī kī kokh ke pardoñ ko chhū ke ab bhī hayāt

azal se 'ishq kī vahdat meñ Dhal rahī hai yahāñ

isī ke paañv tale hai bahisht kī chādar

isī kī chaap kī barkat se sabza-o-gul haiñ

isī ke husn-e-tamāzat se vahdat-o-kul haiñ

ye chāroñ or jo dikhtī hai kasrat-e-vahdat

jo sach kahūñ dil-e-kāfir vajūd-e-zan se hai

so is se baḌh ke jahāñ meñ hasīñ nahīñ koī

so is sivā mire dil meñ makīñ nahīñ koī

so is sivā mire dil meñ makīñ nahīñ koī

mere qarib to 'aurat hi zindagi hai yahan

isi badan se taKHayyul ki hai numudari

isi ki naf se juDna hai zindagi ki baqa

isi ke sina-e-qulzum se kaenat mein nam

isi ki kokh ke pardon ko chhu ke ab bhi hayat

azal se 'ishq ki wahdat mein Dhal rahi hai yahan

isi ke panw tale hai bahisht ki chadar

isi ki chap ki barkat se sabza-o-gul hain

isi ke husn-e-tamazat se wahdat-o-kul hain

ye chaaron or jo dikhti hai kasrat-e-wahdat

jo sach kahun dil-e-kafir wajud-e-zan se hai

so is se baDh ke jahan mein hasin nahin koi

so is siwa mere dil mein makin nahin koi

so is siwa mere dil mein makin nahin koi