man arafa nafsahu

Shamsur Rahman Faruqi

man arafa nafsahu

Shamsur Rahman Faruqi

MORE BYShamsur Rahman Faruqi

    raushnī ek nannhī lakīr

    mere kamre ke añdhere badan

    chupke chupke TaToltī hai

    jis tarah habshī hasīna ke Dhale

    sandal ke se

    ābnūsī jism ke a.asāb meñ

    tez suuī achānak ik chubhan

    sarsarāte saañp mānind dauḌātī hai ḳhuuñ

    jhanjhanā uThte haiñ saare tār-o-pū

    aur phir āhista āhista kahīñ

    zer-e-sat.h-e-jān-o-dil

    ye talātum

    ruk ke so jaatā hai

    ya.anī

    azhdar-e-āsūda-ḳhātir tarah

    ḳhvāb-noshīñ ke uḌātā hai maze

    phir bhī lekin

    ik ġhubār-e-intizār

    mere kamre fazā meñ

    misl-e-āb-e-siyāh raushan hai

    jaise tārīkī ḳhud apnī tah tak

    pahuñchne ko bechain ho

    is liye

    raushnī is añgusht-e-be-rahm

    ḳhair-maqdam kare

    azhdar-e-āsūda-ḳhātir ko jagā.e

    dard ye hai

    mere kamre añdherā kabhī ik baar musaḳhḳhar nahīñ ho paatā

    naqsh-e-tārīk munavvar nahīñ hone paatā

    koī gosha

    kabhī raushan

    kahīñ gosha koī

    ujle kapḌoñ qatāroñ se laTakte hue injīr ke ḳhoshe

    raakh ke Dher

    ġhalāzat ke kueñ

    sone chāñdī ke damakte hue phal

    raushnī

    tez suuī

    talātum

    jo bhī ho tum

    tīrgī ko is tarah se munqasim

    tum jo kar dete ki dīvāroñ rañg

    saaf khil uThtā to apne ko bhī in meñ mun.akis maiñ dekh letā

    raushni ki ek nannhi si lakir

    mere kamre ke andhere ka badan

    chupke chupke TaTolti hai

    jis tarah habshi hasina ke Dhale

    sandal ke se

    aabnusi jism ke aasab mein

    tez sui ki achanak ek chubhan

    sarsaraate sanp ki manind dauDati hai KHun

    jhanjhana uThte hain sare tar-o-pu

    aur phir aahista aahista kahin

    zer-e-sath-e-jaan-o-dil

    ye talatum

    ruk ke so jata hai

    yani

    azhdar-e-asuda-KHatir ki tarah

    KHwab-noshin ke uData hai maze

    phir bhi lekin

    ek ghubar-e-intizar

    mere kamre ki faza mein

    misl-e-ab-e-siyah raushan hai

    jaise tariki KHud apni tah tak

    pahunchne ko bechain ho

    is liye

    raushni ki is angusht-e-be-rahm ka

    KHair-maqdam kare

    azhdar-e-asuda-KHatir ko jagae

    dard ye hai

    mere kamre ka andhera kabhi ek bar musaKHKHar nahin ho pata

    naqsh-e-tarik munawwar nahin hone pata

    koi gosha

    kabhi raushan

    kahin gosha koi

    ujle kapDon ki qataron se laTakte hue injir ke KHoshe

    rakh ke Dher

    ghalazat ke kuen

    sone chandi ke damakte hue phal

    raushni

    ya tez sui

    ya talatum

    jo bhi ho tum

    tirgi ko is tarah se munqasim

    tum jo kar dete ki diwaron ka rang

    saf khil uThta to apne ko bhi in mein munakis main dekh leta

    Source:

    • Book : Ganj e Sokhta (Pg. 100)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY