manhusiyat

maiñ jis ke saath hotā huuñ

vo pahle Thiik hotā hai

phir us ke baad merā aks us par haavī hotā hai

vo merā dost bantā hai

ham ik arse talak phir zindagī ko saath jiite haiñ

maiñ us par aur haavī aur haavī roz hotā huuñ

vo āḳhir-kār ḳhud ko haar jaatā hai

tum is ko aise samjho dost

vo merā aa.ina ban kar hamesha saath chaltā hai

so apne aa.ine par maiñ vahī sab zulm kartā huuñ

jo apne saath maiñ har lamha kartā huuñ

ḳhudā vaise to mujh se duur rah kar āsmānoñ meñ

baḌī hasrat se luTne kā tamāsha dekhtā hī hai

magar aise bure vaqtoñ meñ merā saath detā hai

maiñ us kī saarī ḳhushiyoñ ko nigal jaatā huuñ mere dost

jo har lamha mujhe bhagvān kahtā hai

tumheñ ma.alūm pul se kuud kar ik dost ne mere

mire hisse kī jā kar ḳhud-kushī kar lī

maiñ apnī hī batā.ūñ to maiñ pichhle pāñch sāloñ se

sukūñ kā ek lamha jī nahīñ paayā

mire jitne bhī apne haiñ azāboñ se ghire rahte

mujhe shaitān hone kā gumāñ aksar satātā hai

so mere dost mujh se duur haT kar baat karnā tum

vagarna mere hisse ke zarā se ġham

kahīñ manhūsiyat ban kar tumhāre saath chal nikle

to baiThe āsmānoñ ke farishte bhī

bahut mumkin hai mushkil se tumheñ mujh se bachā paa.eñ

main jis ke sath hota hun

wo pahle Thik hota hai

phir us ke baad mera aks us par hawi hota hai

wo mera dost banta hai

hum ek arse talak phir zindagi ko sath jite hain

main us par aur hawi aur hawi roz hota hun

wo aaKHir-kar KHud ko haar jata hai

tum is ko aise samjho dost

wo mera aaina ban kar hamesha sath chalta hai

so apne aaine par main wahi sab zulm karta hun

jo apne sath main har lamha karta hun

KHuda waise to mujh se dur rah kar aasmanon mein

baDi hasrat se luTne ka tamasha dekhta hi hai

magar aise bure waqton mein mera sath deta hai

main us ki sari KHushiyon ko nigal jata hun mere dost

jo har lamha mujhe bhagwan kahta hai

tumhein malum pul se kud kar ek dost ne mere

mere hisse ki ja kar KHud-kushi kar li

main apni hi bataun to main pichhle panch salon se

sukun ka ek lamha ji nahin paya

mere jitne bhi apne hain azabon se ghire rahte

mujhe shaitan hone ka guman aksar satata hai

so mere dost mujh se dur haT kar baat karna tum

wagarna mere hisse ke zara se gham

kahin manhusiyat ban kar tumhaare sath chal nikle

to baiThe aasmanon ke farishte bhi

bahut mumkin hai mushkil se tumhein mujh se bacha paen