mann-o-salwa

Noon Meem Rashid

mann-o-salwa

Noon Meem Rashid

MORE BYNoon Meem Rashid

    ''ḳhudā-e-bartar

    ye dariyūsh-e-buzurg sarzamīñ

    ye nau-shervān-e-ādil dād-gāheñ

    tasavvuf o hikmat o adab ke nigār-ḳhāne

    ye kyuuñ siyah-post dushmanoñ ke vajūd se

    aaj phir ubalte hue se nāsūr ban rahe haiñ?''

    ham is ke mujrim nahīñ haiñ jān-e-ajam nahīñ haiñ

    vo pahlā añgrez

    jis ne hindostāñ ke sāhil pe

    ke rakkhī thī jins-e-saudā-garī

    ye us gunāh hai

    jo tire vatan

    zamīn-e-gul-posh ko

    ham apne siyāh qadmoñ se rauñdte haiñ!

    ye shahr apnā vatan nahīñ hai

    magar farañgī rahzanī ne

    isī se nā-chār ham ko vābasta kar diyā hai

    ham is tahzīb bulandī chhipkilī ban ke rah ga.e haiñ

    vo rāhzan jo ye sochtā hai

    ''ki asia hai koī aqiim o amiir beva

    jo apnī daulat be-panāhī se mubtalā ik fishār meñ hai

    aur us āġhosh-e-ārzū-mand mire intizār meñ hai

    aur eshiyā.ī

    qadīm ḳhvāja-sarāoñ ik nazhād-e-kāhil

    ajal rāhoñ pe tez-gāmī se rahe haiñ''

    magar ye hindī

    gurisna o pā-barahna hindī

    jo sālik-e-rāh haiñ

    magar rāh-o-rasm-e-manzil se be-ḳhabar haiñ

    gharoñ ko vīrān kar ke

    lākhoñ sa.ūbateñ sah ke

    aur apnā lahū bahā kar

    agar kabhī sochte haiñ kuchh to yahī

    ki shāyad unhī ke baazū

    najāt dilvā sakeñge mashriq ko

    ġhair ke be-panāh biphre hue sitam se

    ye sochte haiñ:

    ye hādsa ki jis ne pheñkā hai

    ke un ko tire vatan meñ

    vo aañch ban jaa.e

    jis se phuñk jaa.e

    vo jarāsīm akhāḌā

    jahāñ se har baar jañg bū-e-tund uThtī hai

    aur duniyā meñ phailtī hai!

    maiñ jāntā huuñ

    mire bahut se rafīq

    apnī udaas be-kār zindagī ke

    darāz o tārīk fāsloñ meñ

    kabhī kabhī bheḌiyoñ ke mānind

    aa nikalte haiñ rahguzāroñ pe

    justujū meñ kasī ke do ''sāq-e-sandalīñ''

    kabhī darīchoñ oT meñ

    nā-tavāñ patiñgoñ phaḌphaḌāhaT pe

    hosh se be-niyāz ho kar vo TūTte haiñ

    vo dast-e-sā.il

    jo sāmne un ke phailtā hai

    is aarzū meñ

    ki un baḳhshish se

    pāra-e-nān mann-o-salvā ruup bhar le

    vahī kabhī apnī nāzukī se

    vo rah sujhātā hai

    jis manzil pe shauq tishnagī nahīñ hai!

    in manāzir ko dekhtī hai!

    sochtī hai:

    ye sañg-dil apnī buz-dilī se

    firañgiyoñ mohabbat-e-nā-ravāñ zanjīr meñ bañdhe haiñ

    inhī ke dam se ye shahr ubaltā huā nāsūr ban rahā hai!

    mohabbat-e-nāravā nahīñ hai

    bas ek zanjīr

    ek āhanī kamand-e-azīm

    phailī huī hai

    mashriq ke ik kināre se dūsre tak

    mire vatan se tire vatan tak

    bas ek ankabūt jaal hai ki jis meñ

    ham eshiyā.ī asiir ho kar taḌap rahe haiñ

    muġhūl sub.h-e-ḳhūñ-fishāñ se

    farañg shām-e-jāñ-sitāñ tak!

    taḌap rahe haiñ

    bas ek dard-e-lā-davā meñ

    aur apne ālām-e-jāñ-guzā ke

    is ishtirāk-e-girāñ-bahā ne bhī

    ham ko ik dūsre se ab tak

    qarīb hone nahīñ diyā hai!

    KHuda-e-bartar

    ye dariyush-e-buzurg ki sarzamin

    ye nau-sherwan-e-adil ki dad-gahen

    tasawwuf o hikmat o adab ke nigar-KHane

    ye kyun siyah-post dushmanon ke wajud se

    aaj phir ubalte hue se nasur ban rahe hain?

    hum is ke mujrim nahin hain jaan-e-ajam nahin hain

    wo pahla angrez

    jis ne hindostan ke sahil pe

    la ke rakkhi thi jins-e-sauda-gari

    ye us ka gunah hai

    jo tere watan ki

    zamin-e-gul-posh ko

    hum apne siyah qadmon se raundte hain!

    ye shahr apna watan nahin hai

    magar farangi ki rahzani ne

    isi se na-chaar hum ko wabasta kar diya hai

    hum is ki tahzib ki bulandi ki chhipkili ban ke rah gae hain

    wo rahzan jo ye sochta hai

    ki asia hai koi aqim o amir bewa

    jo apni daulat ki be-panahi se mubtala ek fishaar mein hai

    aur us ka aaghosh-e-arzu-mand wa mere intizar mein hai

    aur eshiyai

    qadim KHwaja-saraon ki ek nazhad-e-kahil

    ajal ki rahon pe tez-gami se ja rahe hain

    magar ye hindi

    gurisna o pa-barahna hindi

    jo salik-e-rah hain

    magar rah-o-rasm-e-manzil se be-KHabar hain

    gharon ko viran kar ke

    lakhon saubaten sah ke

    aur apna lahu baha kar

    agar kabhi sochte hain kuchh to yahi

    ki shayad unhi ke bazu

    najat dilwa sakenge mashriq ko

    ghair ke be-panah biphre hue sitam se

    ye sochte hain:

    ye hadsa hi ki jis ne phenka hai

    la ke un ko tere watan mein

    wo aanch ban jae

    jis se phunk jae

    wo jarasim ka akhaDa

    jahan se har bar jang ki bu-e-tund uThti hai

    aur duniya mein phailti hai!

    main jaanta hun

    mere bahut se rafiq

    apni udas be-kar zindagi ke

    daraaz o tarik faslon mein

    kabhi kabhi bheDiyon ke manind

    aa nikalte hain rahguzaron pe

    justuju mein kasi ke do saq-e-sandalin ki

    kabhi darichon ki oT mein

    na-tawan patingon ki phaDphaDahaT pe

    hosh se be-niyaz ho kar wo TuTte hain

    wo dast-e-sail

    jo samne un ke phailta hai

    is aarzu mein

    ki un ki baKHshish se

    para-e-nan mann-o-salwa ka rup bhar le

    wahi kabhi apni nazuki se

    wo rah sujhata hai

    jis ki manzil pe shauq ki tishnagi nahin hai!

    tu in manazir ko dekhti hai!

    tu sochti hai:

    ye sang-dil apni buz-dili se

    firangiyon ki mohabbat-e-na-rawan ki zanjir mein bandhe hain

    inhi ke dam se ye shahr ubalta hua sa nasur ban raha hai!

    mohabbat-e-narawa nahin hai

    bas ek zanjir

    ek hi aahani kamand-e-azim

    phaili hui hai

    mashriq ke ek kinare se dusre tak

    mere watan se tere watan tak

    bas ek hi ankabut ka jal hai ki jis mein

    hum eshiyai asir ho kar taDap rahe hain

    mughul ki subh-e-KHun-fishan se

    farang ki sham-e-jaan-sitan tak!

    taDap rahe hain

    bas ek hi dard-e-la-dawa mein

    aur apne aalam-e-jaan-guza ke

    is ishtirak-e-giran-baha ne bhi

    hum ko ek dusre se ab tak

    qarib hone nahin diya hai!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY