aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

marna ya jina achchha hai

Ameer Chand Bahar

marna ya jina achchha hai

Ameer Chand Bahar

MORE BYAmeer Chand Bahar

    ye mas.ala hai darpesh yahāñ marnā jiinā achchhā hai

    hastī zahr-bharā sāġhar toḌeñ piinā achchhā hai

    taqdīr se shikva lāzim hai chup rahnā achchhā hai

    māhaul se Takkar jaa.e sadma sahnā achchhā hai

    kyā maut ke mīThe sharbat ko hoñToñ se lagānā achchhā hai

    ranj-o-alam ko sah lenā ġham meñ ghul jaanā achchhā hai

    ham maut ke mīThe sāġhar ko hoñToñ se lagā to sakte haiñ

    ham ḳhaak ke bistar par so kar har ġham ko bhulā to sakte haiñ

    lekin is maut vaadī meñ kar kyā jaane kyā hogā

    vo vaadī kis ne dekhī hai us manzar kaisā hogā

    ye soch ke chup rah jaate haiñ dukh sahte haiñ ġham khāte haiñ

    is ranj-o-alam bastī meñ aise din kaT jaate haiñ

    ye sabr na ho to duniyā meñ āfāt gavārā kaun kare

    har roz zahmat kaun sahe har baat gavārā kaun kare

    jābir tashaddud sahte haiñ ulfat meñ dhokā khāte haiñ

    jo ham se nafrat karte haiñ ham un ke naaz uThāte haiñ

    hākim chāhe jaisā bhī ho ham us latāḌeñ sahte haiñ

    ġhairat ko Thokar lagtī hai dil meñ kuḌhte rahte haiñ

    andher hai kaisā duniyā meñ us ke qānūn nirāle haiñ

    yā-rab ye kaisī duniyā hai kaise ye duniyā vaale haiñ

    kam-zarf kamīne logoñ ne har jānib Dere Daale haiñ

    bāhar se to ye sab achchhe haiñ lekin andar se kaale haiñ

    bad-zauq kamīne logoñ se ham jaan chhuḌā to sakte haiñ

    hastī har ek musībat se chhuTkārā to sakte haiñ

    in sab maut ilaaj to hai lekin mar kar bhī kyā hogā

    mar kar bhī chain agar na milā phir kaisā haal apnā hogā

    jiine se marnā āsāñ hai lekin majbūr haiñ jiine par

    hastī sāġhar kaḌvā hai lekin majbūr haiñ piine par

    ye duniyā ham ne dekhī hai duniyā jafā.eñ dekhī haiñ

    us duniyā kuchh ilm nahīñ is to balā.eñ dekhī haiñ

    ye soch ke ham is duniyā meñ āfāt gavārā karte haiñ

    dukh sahte haiñ ġham sahte haiñ har baat gavārā karte haiñ

    ye masala hai darpesh yahan marna ya jina achchha hai

    hasti ka zahr-bhara saghar toDen ya pina achchha hai

    taqdir se shikwa lazim hai ya chup hi rahna achchha hai

    mahaul se Takkar li jae ya sadma sahna achchha hai

    kya maut ke miThe sharbat ko honTon se lagana achchha hai

    ya ranj-o-alam ko sah lena gham mein ghul jaana achchha hai

    hum maut ke miThe saghar ko honTon se laga to sakte hain

    hum KHak ke bistar par so kar har gham ko bhula to sakte hain

    lekin is maut ki wadi mein ja kar kya jaane kya hoga

    wo wadi kis ne dekhi hai us ka manzar kaisa hoga

    ye soch ke chup rah jate hain dukh sahte hain gham khate hain

    is ranj-o-alam ki basti mein aise hi din kaT jate hain

    ye sabr na ho to duniya mein aafat gawara kaun kare

    har roz ki zahmat kaun sahe har baat gawara kaun kare

    jabir ka tashaddud sahte hain ulfat mein dhoka khate hain

    jo hum se nafrat karte hain hum un ke naz uThate hain

    hakim chahe jaisa bhi ho hum us ki lataDen sahte hain

    ghairat ko Thokar lagti hai dil hi mein kuDhte rahte hain

    andher hai kaisa duniya mein us ke qanun nirale hain

    ya-rab ye kaisi duniya hai kaise ye duniya wale hain

    kam-zarf kamine logon ne har jaanib Dere Dale hain

    bahar se to ye sab achchhe hain lekin andar se kale hain

    bad-zauq kamine logon se hum jaan chhuDa to sakte hain

    hasti ki har ek musibat se chhuTkara pa to sakte hain

    in sab ka maut ilaj to hai lekin mar kar bhi kya hoga

    mar kar bhi chain agar na mila phir kaisa haal apna hoga

    jine se marna aasan hai lekin majbur hain jine par

    hasti ka saghar kaDwa hai lekin majbur hain pine par

    ye duniya hum ne dekhi hai duniya ki jafaen dekhi hain

    us duniya ka kuchh ilm nahin is ki to balaen dekhi hain

    ye soch ke hum is duniya mein aafat gawara karte hain

    dukh sahte hain gham sahte hain har baat gawara karte hain

    Source:

    Armughan-e-Bahar (Pg. 56)

    • Author: Ameer Chand Bahar
      • Publisher: National Academy, Dariyaganj, Delhi
      • Year of Publication: 1976
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now