mata-e-alfaz

Zehra Nigaah

mata-e-alfaz

Zehra Nigaah

MORE BYZehra Nigaah

    ye jo tum mujh se gurezāñ ho mirī baat suno

    ham isī chhoTī duniyā ke kisī raste par

    itifāqan kabhī bhūle se kahīñ mil jaa.eñ

    kyā achchhā ho ki ham dūsre logoñ tarah

    kuchh takalluf se sahī Thahar ke kuchh baat kareñ

    aur is arsa-e-aḳhlāq-o-muravvat meñ kabhī

    ek pal ke liye vo sā.at-e-nāzuk aa jaa.e

    nāḳhun-e-lafz kisī yaad ke zaḳhmoñ ko chhue

    ik jhijaktā huā jumla koī dukh de jaa.e

    kaun jānegā ki ham donoñ pe kyā biitī hai

    is ḳhamoshī ke añdheroñ se nikal aa.eñ chalo

    kisī sulge hue lahje se charāġhāñ kar leñ

    chun leñ phūloñ tarah ham bhī matā-e-alfāz

    apne ujḌe hue dāman ko gulistāñ kar leñ

    chun leñ phūloñ tarah ham bhī matā-e-alfāz

    daulat-e-dard baḌī chiiz hai iqrār karo

    ne.amat-e-ġham baḌī ne.amat hai ye iz.hār karo

    lafz paimān bhī iqrār bhī iz.hār bhī haiñ

    tāqat-e-sabr agar ho to ye ġham-ḳhvār bhī haiñ

    haath ḳhālī huuñ to ye jins-e-girāñ-bār bhī haiñ

    paas koī bhī na ho phir to ye dildār bhī haiñ

    haath ḳhālī hoñ to ye jins-e-girāñ-bār bhī haiñ

    ye jo tum mujh se gurezāñ ho mirī baat suno

    ye jo tum mujh se gurezāñ ho mirī baat suno

    ye jo tum mujh se gurezan ho meri baat suno

    hum isi chhoTi si duniya ke kisi raste par

    itifaqan kabhi bhule se kahin mil jaen

    kya hi achchha ho ki hum dusre logon ki tarah

    kuchh takalluf se sahi Thahar ke kuchh baat karen

    aur is arsa-e-aKHlaq-o-murawwat mein kabhi

    ek pal ke liye wo saat-e-nazuk aa jae

    naKHun-e-lafz kisi yaad ke zaKHmon ko chhue

    ek jhijakta hua jumla koi dukh de jae

    kaun jaanega ki hum donon pe kya biti hai

    is KHamoshi ke andheron se nikal aaen chalo

    kisi sulge hue lahje se charaghan kar len

    chun len phulon ki tarah hum bhi mata-e-alfaz

    apne ujDe hue daman ko gulistan kar len

    chun len phulon ki tarah hum bhi mata-e-alfaz

    daulat-e-dard baDi chiz hai iqrar karo

    neamat-e-gham baDi neamat hai ye izhaar karo

    lafz paiman bhi iqrar bhi izhaar bhi hain

    taqat-e-sabr agar ho to ye gham-KHwar bhi hain

    hath KHali hun to ye jins-e-giran-bar bhi hain

    pas koi bhi na ho phir to ye dildar bhi hain

    hath KHali hon to ye jins-e-giran-bar bhi hain

    ye jo tum mujh se gurezan ho meri baat suno

    ye jo tum mujh se gurezan ho meri baat suno

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY