mausam-e-hijr

ham-nashīñ

ab ke mausam kā lahja bahut sard hai

jis taraf dekhiye barf hī barf hai

ham-nashīñ

ab ke mausam kā ye jārihāna jo andāz hai

us kā tevar tumhārī rifāqat kā ġhammāz hai

ham-nashīñ

aisī yaḳh-bastagī hai ki siine meñ dhaḌkan talak jam ga.ī

aur is sard-mehrī se ghabrā ke sadiyoñ se nādīda goshoñ meñ poshīda sāñseñ talak tham ga.iiñ

ham-nashīñ

ḳhvāhish-e-vasl hijrat-zada mausamoñ kī fasīloñ pe ḳhud-kush banī ghūmtī hai abhī

bebasī rābtoñ ke gale meñ paḌī rassiyoñ kī jabīñ chūmtī hai abhī

ham-nashīñ

is se pahle ki jazbāt mausam kī talḳhī tale dab ke dam toḌ deñ

is se pahle ki is hijr kī be-karāñ vus'atoñ meñ bhaTakte hue

rūheñ apnā badan chhoḌ deñ

lauT aa

darmiyāñ ke sabhī fāsle paaT de

barf-zāroñ ko ab rabt kī aañch de

ham-nashin

ab ke mausam ka lahja bahut sard hai

jis taraf dekhiye barf hi barf hai

ham-nashin

ab ke mausam ka ye jarihana jo andaz hai

us ka tewar tumhaari rifaqat ka ghammaz hai

ham-nashin

aisi yaKH-bastagi hai ki sine mein dhaDkan talak jam gai

aur is sard-mehri se ghabra ke sadiyon se nadida goshon mein poshida sansen talak tham gain

ham-nashin

KHwahish-e-wasl hijrat-zada mausamon ki fasilon pe KHud-kush bani ghumti hai abhi

bebasi rabton ke gale mein paDi rassiyon ki jabin chumti hai abhi

ham-nashin

is se pahle ki jazbaat mausam ki talKHi tale dab ke dam toD den

is se pahle ki is hijr ki be-karan wus'aton mein bhaTakte hue

ruhen apna badan chhoD den

lauT aa

darmiyan ke sabhi fasle paT de

barf-zaron ko ab rabt ki aanch de