موسم

موسم تو ہر سال اس شہر میں آتے ہیں

ہرے بھرے مٹیالے موسم

لیکن ان کی گود میں ہم اس موسم کی

کونپل ڈھونڈتے رہتے ہیں

جو سانسوں کے رس کو چھو کر جسموں کے بل پر تک چڑھ آتی ہے

جس کی اوک میں پیاسی خواہش

ساری رتوں کے رنگ اور ذائقے

چکھ لیتی ہے

جیسے گہرے بادل کی آغوش میں بارش

اور بہتے دریاؤں کی پاتال میں موتی

ایسے ہی ہم دونوں کی بے تاب کشش سے

اک یہ موسم چھا جاتا ہے

موسم جس کے دھانی کپڑے

لذت کی خوشبو سے تر ہیں

جس کے کھلے ہوئے موسم میں

جنگلی تیتریوں کے پر ہیں