موت دل سے لپٹ گئی اس شب
ایک خواب ہزیمت دنیا
ایک آہٹ دوام خواہش کی
ایک جوڑی قدیم ہاتھوں کی
اور آنکھوں کے بند فرغل میں
ایک خواہش ہمیشہ رہنے کی
ایک بستر پرانی یادوں کا
اور سویا ہوا دل وحشی
آہنی انگلیوں کے پنجے میں
اک گھنی تیرگی کے رستے میں
ذائقہ بھولی بسری بارش کا
ایک سایہ جھکا ہوا دل پر
دیر تک آسماں سے گرتی ہوئی
ایک مدھم صدا دریچوں میں
ایک پر شور سیل کی آواز
سانس کی سلوٹیں ڈبوتی ہوئی
کون تھا اس سمے کے آنگن میں
جاگتی رات کو تھپکتا ہوا
کون تھا رات دن کے پھیرے میں
گئی دنیاؤں سے ابھرتا ہوا
رو رہا تھا دیار غربت میں
اور معدوم کے علاقے میں
اپنی آنکھوں میں ڈال کر مٹی
خواب تکتا ہوا میں بچپن کے
ایک ہنستے ہوئے گزشتہ میں
مأخذ:
Aakhrii Din Se pehle (Pg. 53)
- مصنف: Abrar Ahmed
-
- اشاعت: 1997
- ناشر: Tahir Aslam Gora, Gora Publishers
- سن اشاعت: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
