maut ka git

Makhdoom Mohiuddin

maut ka git

Makhdoom Mohiuddin

MORE BYMakhdoom Mohiuddin

    arsh aaḌ meñ insān bahut khel chukā

    ḳhūn-e-insān se haivān bahut khel chukā

    mor-e-be-jāñ se sulaiman bahut khel chukā

    vaqt hai aao do-ālam ko digar-gūñ kar deñ

    qalb-e-gītī maiñ tabāhī ke sharāre bhar deñ

    zulmat-e-kufr ko īmān nahīñ kahte haiñ

    sag-e-ḳhūñ-ḳhār ko insān nahīñ kahte haiñ

    dushman-e-jāñ ko nigahbān nahīñ kahte haiñ

    jaag uThne ko hai ab ḳhuuñ talātum dekho

    malak-ul-maut ke chehre tabassum dekho

    jaan lo qahr sailāb kise kahte haiñ

    nā-gahāñ maut girdāb kise kahte haiñ

    qabr ke pahluoñ daab kise kahte haiñ

    daur-e-nā-shād ko ab shaad kiyā jā.egā

    rūh-e-insāñ ko āzād kiyā jā.egā

    nāla-e-be-asar allāh ke bandoñ ke liye

    sila-e-dār-o-rasan haq ke rasūloñ ke liye

    qasr-e-shaddād ke dar band haiñ bhūkoñ ke liye

    phūñk do qasr ko gar kun tamāshā hai yahī

    zindagī chhīn lo duniyā se jo duniyā hai yahī

    zalzaloñ aao dahakte hue laao aao

    bijlio aao garaj-dār ghatāo aao

    āñdhiyo aao jahannam havāo aao

    aao ye kurra-e-nāpāk bhasam kar Dāleñ

    kasa-e-dahr ko ma.amūr-e-karam kar Dāleñ

    arsh ki aaD mein insan bahut khel chuka

    KHun-e-insan se haiwan bahut khel chuka

    mor-e-be-jaan se sulaiman bahut khel chuka

    waqt hai aao do-alam ko digar-gun kar den

    qalb-e-giti main tabahi ke sharare bhar den

    zulmat-e-kufr ko iman nahin kahte hain

    sag-e-KHun-KHar ko insan nahin kahte hain

    dushman-e-jaan ko nigahban nahin kahte hain

    jag uThne ko hai ab KHun ka talatum dekho

    malak-ul-maut ke chehre ka tabassum dekho

    jaan lo qahr ka sailab kise kahte hain

    na-gahan maut ka girdab kise kahte hain

    qabr ke pahluon ki dab kise kahte hain

    daur-e-na-shad ko ab shad kiya jaega

    ruh-e-insan ko aazad kiya jaega

    nala-e-be-asar allah ke bandon ke liye

    sila-e-dar-o-rasan haq ke rasulon ke liye

    qasr-e-shaddad ke dar band hain bhukon ke liye

    phunk do qasr ko gar kun ka tamasha hai yahi

    zindagi chhin lo duniya se jo duniya hai yahi

    zalzalon aao dahakte hue lao aao

    bijlio aao garaj-dar ghatao aao

    aandhiyo aao jahannam ki hawao aao

    aao ye kurra-e-napak bhasam kar Dalen

    kasa-e-dahr ko mamur-e-karam kar Dalen

    Source :
    • Book : Kulliyat-e-Makhdum Muhi-ud-din (Pg. 119)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY