aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

maut ki KHushbu

Saqi Faruqi

maut ki KHushbu

Saqi Faruqi

MORE BYSaqi Faruqi

    judā.ī

    mohabbat ke dariyā-e-ḳhūñ

    muāvin nadī hai

    vafā

    yaad shāḳh-e-marjāñ se

    lipTī huī hai

    dil-ārām o ushshāq sab

    ḳhauf ke dā.ere meñ khaḌe haiñ

    havāoñ meñ bosoñ baasī mahak hai

    nigāhoñ meñ ḳhvāboñ ke TuuTe hue aa.ine haiñ

    diloñ ke jazīroñ meñ

    ashkoñ ke nīlam chhupe haiñ

    ragoñ meñ koī rūd-e-ġham bah rahā hai

    magar dard ke biij paḌte raheñge

    magar log milte bichhaḌte raheñge

    ye sab ġham purāne

    ye milne bichhaḌne ke mausam purāne

    purāne ġhamoñ se

    na.e ġham ulajhne chale haiñ

    laboñ par na.e niil

    dil meñ na.e pech paḌne lage haiñ

    ġhanīm-āsmānoñ meñ

    dushman jahāzoñ sargoshiyāñ haiñ

    sitāroñ jaltī huī bastiyāñ haiñ

    aur āñkhoñ ke rādār par

    sirf tārīk parchhā.iyāñ haiñ

    hameñ maut tez ḳhushbū ne pāgal kiyā hai

    umīdoñ surḳh āb-dozoñ meñ sahme

    tabāhī ke kaale samundar meñ

    bahte chale rahe haiñ

    karāñ-tā-karāñ

    ek gāḌhā kasīlā dhuāñ hai

    zamīñ terī miTī jaadū kahāñ hai

    judai

    mohabbat ke dariya-e-KHun ki

    muawin nadi hai

    wafa

    yaad ki shaKH-e-marjaan se

    lipTi hui hai

    dil-aram o ushshaq sab

    KHauf ke daere mein khaDe hain

    hawaon mein boson ki basi mahak hai

    nigahon mein KHwabon ke TuTe hue aaine hain

    dilon ke jaziron mein

    ashkon ke nilam chhupe hain

    ragon mein koi rud-e-gham bah raha hai

    magar dard ke bij paDte rahenge

    magar log milte bichhaDte rahenge

    ye sab gham purane

    ye milne bichhaDne ke mausam purane

    purane ghamon se

    nae gham ulajhne chale hain

    labon par nae nil

    dil mein nae pech paDne lage hain

    ghanim-asmanon mein

    dushman jahazon ki sargoshiyan hain

    sitaron ki jalti hui bastiyan hain

    aur aankhon ke radar par

    sirf tarik parchhaiyan hain

    hamein maut ki tez KHushbu ne pagal kiya hai

    umidon ki surKH aab-dozon mein sahme

    tabahi ke kale samundar mein

    bahte chale ja rahe hain

    karan-ta-karan

    ek gaDha kasila dhuan hai

    zamin teri miTi ka jadu kahan hai

    RECITATIONS

    Nomaan Shauque

    Nomaan Shauque,

    Nomaan Shauque

    maut ki KHushbu Nomaan Shauque

    related content

    Nazm

    maut ke us taraf

    maut ke us taraf

    Asna Badr
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now