mere KHamosh KHuda

Bushra Ejaz

mere KHamosh KHuda

Bushra Ejaz

MORE BY Bushra Ejaz

    mire ḳhāmosh ḳhudā

    saath mire bol zarā

    mire andar to utar

    merī tamannā meñ dhaḌak

    maiñ jo āñkhoñ meñ

    thakan rakh ke safar kartī huuñ

    mirī rātoñ ko mire ḳhvāb na Das jaa.eñ kahīñ

    mere andar vo ḳhayālāt na bas jaa.eñ kahīñ

    jin ko mamnūa zamīnoñ hikāyāt kahā jaatā hai

    tīrgī par jise likkhī huī vo raat kahā jaatā hai

    jis qismat meñ kabhī koī sitāra na diyā hotā hai

    jis ke māthe pe savere

    koī bosa kabhī sabt nahīñ ho paatā

    vo jo mahrūm-e-tamannā hai duā Dar hai

    mire ḳhāmosh ḳhudā!

    vaqt be-vaqt mirī āñkhoñ meñ

    tapte paanī ye bhaḌkan kyuuñ hai

    mere māthe pe tamannā koī rañg nahīñ

    phir mire haath rekhāoñ meñ

    uljhī huī duniyā kahānī kyuuñ hai

    vo jo atrāf mire

    mujh ko nazar aatī nahīñ

    mere dil meñ vo udāsī

    ravānī kyuuñ hai

    kaun hai vo jo mujhe

    ''kūk'' an-dekhā bulāvā de kar

    ''hūk'' oT meñ chhup jaatā hai

    jo mujhe mere tasavvur ke kisī aks meñ

    raushan kar ke

    ā.īna-ḳhāne meñ phir aag lagā jaatā hai

    jis āñkhoñ meñ

    mire ḳhvāb ke saare manzar

    apne hone gavāhī meñ jiye jaate haiñ

    vo gavāhī ki sahīfoñ meñ

    jise maiñ ne tilāvat to kiyā hai lekin

    vo gavāhī mere hone gavāhī to nahīñ

    maiñ kahāñ huuñ

    mirā ma.alūm kahāñ hai

    kis ne

    mire andar mire maujūd ko nābūd kiyā

    kaun hai

    jo mirī rag rag meñ jiye jaatā hai

    mirī duniyā se mujhe mulk-badar rakhtā hai

    mere KHamosh KHuda

    sath mere bol zara

    mere andar to utar

    meri tamanna mein dhaDak

    main jo aankhon mein

    thakan rakh ke safar karti hun

    meri raaton ko mere KHwab na Das jaen kahin

    mere andar wo KHayalat na bas jaen kahin

    jin ko mamnua zaminon ki hikayat kaha jata hai

    tirgi par jise likkhi hui wo raat kaha jata hai

    jis ki qismat mein kabhi koi sitara na diya hota hai

    jis ke mathe pe sawere ka

    koi bosa kabhi sabt nahin ho pata

    wo jo mahrum-e-tamanna hai dua ka Dar hai

    mere KHamosh KHuda!

    waqt be-waqt meri aankhon mein

    tapte pani ki ye bhaDkan kyun hai

    mere mathe pe tamanna ka koi rang nahin

    phir mere hath ki rekhaon mein

    uljhi hui duniya ki kahani kyun hai

    wo jo atraf mere

    mujh ko nazar aati nahin

    mere dil mein wo udasi ki

    rawani kyun hai

    kaun hai wo jo mujhe

    kuk ka an-dekha bulawa de kar

    huk ki oT mein chhup jata hai

    jo mujhe mere tasawwur ke kisi aks mein

    raushan kar ke

    aaina-KHane mein phir aag laga jata hai

    jis ki aankhon mein

    mere KHwab ke sare manzar

    apne hone ki gawahi mein jiye jate hain

    wo gawahi ki sahifon mein

    jise main ne tilawat to kiya hai lekin

    wo gawahi mere hone ki gawahi to nahin

    main kahan hun

    mera malum kahan hai

    kis ne

    mere andar mere maujud ko nabud kiya

    kaun hai

    jo meri rag rag mein jiye jata hai

    meri duniya se mujhe mulk-badar rakhta hai

    Source:

    • Book: Quarterly TASTEER Lahore (Pg. 81)
    • Author: Naseer Ahmed Nasir
    • Publication: Room No.-1,1st Floor, Awan Plaza, Shadman Market, Lahore (Issue No. 4, Jan To Mar.1998)
    • Edition: Issue No. 4, Jan To Mar.1998
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites