mere KHwab

Ali Sardar Jafri

mere KHwab

Ali Sardar Jafri

MORE BYAli Sardar Jafri

    ai mire hasīñ-ḳhvābo

    tum kahāñ se aa.e ho

    kis ufuq se ubhre ho

    kis shafaq se nikhre ho

    kin guloñ sohbat meñ

    tum ne tarbiyat paa.ī

    kis jahāñ se laa.e ho

    ye jamāl-o-ra.anā.ī

    jel to bhayānak hai

    is zalīl duniyā meñ

    husn guzar kaisā

    rañg hai na nik.hat hai

    nuur hai na jalva hai

    jabr hukūmat hai

    tum kahāñ se aa.e ho

    ai mire hasīñ-ḳhvābo

    maiñ ne tum ko dekhā hai

    yaad ab nahīñ aatā

    shāyad ek laḌkī

    thartharātī palkoñ meñ

    jagmagātī āñkhoñ meñ

    kisī tabassum meñ

    jo nahā ke niklā ho

    āñsuoñ shabnam se

    ik humakte bachche

    muTThiyoñ ke phūloñ par

    titliyoñ yūrish

    aur maañ nazroñ meñ

    saikḌoñ umīdoñ ke

    shoḳh rañg gul-daste

    maiñ ne tum ko dekhā hai

    nannhī nannhī guḌiyoñ meñ

    nāchte khilaunoñ meñ

    rabar geñdoñ meñ

    maiñ ne tum ko dekhā hai

    ghuTniyoñ chale ho tum

    totlī zabānoñ se

    tum ne duudh māñgā hai

    ''ek shāh.zāda thā

    ek shāhzādī thī''

    is hasīñ kahānī par

    jaane kitne bachchoñ ne

    apne sar uThā.e haiñ

    jaane kitnī āñkhoñ meñ

    phuul muskurā.e haiñ

    aur maiñ samajhtā huuñ

    tum isī kahānī

    sar-zamīñ se aa.e ho

    kuchh kisān kanyā.eñ

    sabz o surḳh shīshoñ

    chūḌiyāñ kalā.ī meñ

    aur galaT chāñdī

    hañsuliyoñ se gardan meñ

    niim chāñd ke halqe

    choliyoñ pe lahngoñ par

    zard zard miTTī ke

    zard bel-būTe se

    maile maile āñchal par

    bāliyoñ ke bose haiñ

    un ke haath meñ hañsie

    giit gaane lagte haiñ

    jhuum jhuum kar paude

    apnā sar jhukāte haiñ

    nau-javān laThyāre

    khet muñDeroñ par

    prem giit gaate haiñ

    ai mire hasīñ-ḳhvābo

    tum inheñ bahāroñ

    koñpaloñ se phūTe ho

    ek kār-ḳhāne meñ

    chand nau-javānoñ ne

    anjuman banā.ī hai

    aur is meñ lenin

    ik kitāb paḌhte haiñ

    sun rahī haiñ dīvāreñ

    hañs rahī hai tārīkī

    nau-javān baiThe haiñ

    aur kitāb paḌhte haiñ

    ek ek jumle par

    chauñk chauñk paḌte haiñ

    ek ek fiqre par

    apnā sar hilāte haiñ

    gaah aah bharte haiñ

    gaah muskurāte haiñ

    maiñ ne un ke sīnoñ meñ

    ai mire hasīñ-ḳhvābo

    tum ko nāchte dekhā

    maiñ ne tum ko dekhā hai

    jab siyāh mehrābeñ

    āsmāñ pe bantī haiñ

    jab sukūt pariyāñ

    kahkashāñ pe chaltī haiñ

    gesuoñ nik.hat se

    jab havā mahaktī haiñ

    jab fazā chahaktī hai

    mere garm hoñToñ par

    pyaar thartharāte haiñ

    aur merī mahbūba

    apne rañg-e-āriz se

    bijliyāñ banātī hai

    aur merī nazroñ meñ

    ik jahān miTtā hai

    ik jahān bantā hai

    ik zamīn haTtī hai

    ik zamīn aatī hai

    maiñ asiir huuñ lekin

    tum ko koī bhī qānūn

    qaid kar nahīñ saktā

    sar-buland aur āzād

    yuuñ muskurā.e jaao

    mere dil duniyā meñ

    yuuñ jagmagā.e jaao

    qaid-o-band ke jallād

    tum ko nahīñ sakte

    lambe lambe zālim haath

    tum ko chhū nahīñ sakte

    ai mire hasīñ-ḳhvābo

    ai mere hasin-KHwabo

    tum kahan se aae ho

    kis ufuq se ubhre ho

    kis shafaq se nikhre ho

    kin gulon ki sohbat mein

    tum ne tarbiyat pai

    kis jahan se lae ho

    ye jamal-o-ranai

    jel to bhayanak hai

    is zalil duniya mein

    husn ka guzar kaisa

    rang hai na nikhat hai

    nur hai na jalwa hai

    jabr ki hukumat hai

    tum kahan se aae ho

    ai mere hasin-KHwabo

    main ne tum ko dekha hai

    yaad ab nahin aata

    shayad ek laDki ki

    thartharaati palkon mein

    jagmagati aankhon mein

    ya kisi tabassum mein

    jo naha ke nikla ho

    aansuon ki shabnam se

    ek humakte bachche ki

    muTThiyon ke phulon par

    titliyon ki yurish si

    aur man ki nazron mein

    saikDon umidon ke

    shoKH rang gul-daste

    main ne tum ko dekha hai

    nannhi nannhi guDiyon mein

    nachte khilaunon mein

    ya rabar ki gendon mein

    main ne tum ko dekha hai

    ghuTniyon chale ho tum

    totli zabanon se

    tum ne dudh manga hai

    ek shahzada tha

    ek shahzadi thi

    is hasin kahani par

    jaane kitne bachchon ne

    apne sar uThae hain

    jaane kitni aankhon mein

    phul muskurae hain

    aur main samajhta hun

    tum isi kahani ki

    sar-zamin se aae ho

    kuchh kisan kanyaen

    sabz o surKH shishon ki

    chuDiyan kalai mein

    aur galaT ki chandi ki

    hansuliyon se gardan mein

    nim chand ke halqe

    choliyon pe lahngon par

    zard zard miTTi ke

    zard bel-buTe se

    maile maile aanchal par

    baaliyon ke bose hain

    un ke hath mein hansie

    git gane lagte hain

    jhum jhum kar paude

    apna sar jhukate hain

    nau-jawan laThyare

    khet ki munDeron par

    prem git gate hain

    ai mere hasin-KHwabo

    tum inhen bahaaron ki

    konpalon se phuTe ho

    ek kar-KHane mein

    chand nau-jawanon ne

    anjuman banai hai

    aur is mein lenin ki

    ek kitab paDhte hain

    sun rahi hain diwaren

    hans rahi hai tariki

    nau-jawan baiThe hain

    aur kitab paDhte hain

    ek ek jumle par

    chaunk chaunk paDte hain

    ek ek fiqre par

    apna sar hilate hain

    gah aah bharte hain

    gah muskuraate hain

    main ne un ke sinon mein

    ai mere hasin-KHwabo

    tum ko nachte dekha

    main ne tum ko dekha hai

    jab siyah mehraben

    aasman pe banti hain

    jab sukut ki pariyan

    kahkashan pe chalti hain

    gesuon ki nikhat se

    jab hawa mahakti hain

    jab faza chahakti hai

    mere garm honTon par

    pyar thartharaate hain

    aur meri mahbuba

    apne rang-e-ariz se

    bijliyan banati hai

    aur meri nazron mein

    ek jahan miTta hai

    ek jahan banta hai

    ek zamin haTti hai

    ek zamin aati hai

    main asir hun lekin

    tum ko koi bhi qanun

    qaid kar nahin sakta

    sar-buland aur aazad

    yun hi muskurae jao

    mere dil ki duniya mein

    yun hi jagmagae jao

    qaid-o-band ke jallad

    tum ko pa nahin sakte

    lambe lambe zalim hath

    tum ko chhu nahin sakte

    ai mere hasin-KHwabo

    Source :
    • Book : Ek Khvab aur (Pg. 54)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY