meri mohabbat ka pas rakhna

maiñ un fazāoñ meñ saañs letā huuñ

jin meñ tum saañs le rahī ho

maiñ terī chunarī ko taan kar ḳhud pe raat taḳhlīq kar rahā huuñ

tirī hī bindiyā se nuur le kar

maiñ raat ko din banā rahā huuñ

bas ek tere liye alag se

maiñ kā.enāt

aur is kī ek ek chiiz ḳhud se sajā rahā huuñ

tirī jabīñ pe likhī mohabbat kī nazm ko gungunā rahā huuñ

mohabbatoñ ke hasīn bargad kī oT meñ ik chabūtare par

rehl rakhūñgā

aur us meñ tere nuqūsh rakh ke paḌhā karūñgā

falak se aatī huī muqaddas sī raushnī ko gavāh kar ke

maiñ sirf itnī du'ā karūñgā

maiñ jin fazāoñ meñ saañs letā huuñ

un fazāoñ ko saaf rakhnā

na dūriyāñ darmiyān laanā

mujhe tum apne hī paas rakhnā

faqat mohabbat ko ḳhaas rakhnā

mirī mohabbat kā paas rakhnā

mirī mohabbat kā paas rakhnā

main un fazaon mein sans leta hun

jin mein tum sans le rahi ho

main teri chunari ko tan kar KHud pe raat taKHliq kar raha hun

teri hi bindiya se nur le kar

main raat ko din bana raha hun

bas ek tere liye alag se

main kaenat

aur is ki ek ek chiz KHud se saja raha hun

teri jabin pe likhi mohabbat ki nazm ko gunguna raha hun

mohabbaton ke hasin bargad ki oT mein ek chabutare par

rehl rakhunga

aur us mein tere nuqush rakh ke paDha karunga

falak se aati hui muqaddas si raushni ko gawah kar ke

main sirf itni du'a karunga

main jin fazaon mein sans leta hun

un fazaon ko saf rakhna

na duriyan darmiyan lana

mujhe tum apne hi pas rakhna

faqat mohabbat ko KHas rakhna

meri mohabbat ka pas rakhna

meri mohabbat ka pas rakhna