مرزا غالبؔ

علامہ اقبال

مرزا غالبؔ

علامہ اقبال

MORE BYعلامہ اقبال

    INTERESTING FACT

    حصہ اول : 1905 تک ( بانگ درا)

    فکر انساں پر تری ہستی سے یہ روشن ہوا

    ہے پر مرغ تخیل کی رسائی تا کجا

    تھا سراپا روح تو بزم سخن پیکر ترا

    زیب محفل بھی رہا محفل سے پنہاں بھی رہا

    دید تیری آنکھ کو اس حسن کی منظور ہے

    بن کے سوز زندگی ہر شے میں جو مستور ہے

    محفل ہستی تری بربط سے ہے سرمایہ دار

    جس طرح ندی کے نغموں سے سکوت کوہسار

    تیرے فردوس تخیل سے ہے قدرت کی بہار

    تیری کشت فکر سے اگتے ہیں عالم سبزہ وار

    زندگی مضمر ہے تیری شوخی تحریر میں

    تاب گویائی سے جنبش ہے لب تصویر میں

    نطق کو سو ناز ہیں تیرے لب اعجاز پر

    محو حیرت ہے ثریا رفعت پرواز پر

    شاہد مضموں تصدق ہے ترے انداز پر

    خندہ زن ہے غنچۂ دلی گل شیراز پر

    آہ تو اجڑی ہوئی دلی میں آرامیدہ ہے

    گلشن ویمر میں تیرا ہم نوا خوابیدہ ہے

    لطف گویائی میں تیری ہم سری ممکن نہیں

    ہو تخیل کا نہ جب تک فکر کامل ہم نشیں

    ہائے اب کیا ہو گئی ہندوستاں کی سر زمیں

    آہ اے نظارہ آموز نگاہ نکتہ بیں

    گیسوئے اردو ابھی منت پزیر شانہ ہے

    شمع یہ سودائی دل سوزئ پروانہ ہے

    اے جہان آباد اے گہوارۂ علم و ہنر

    ہیں سراپا نالۂ خاموش تیرے بام در

    ذرے ذرے میں ترے خوابیدہ ہیں شمس و قمر

    یوں تو پوشیدہ ہیں تیری خاک میں لاکھوں گہر

    دفن تجھ میں کوئی فخر روزگار ایسا بھی ہے

    تجھ میں پنہاں کوئی موتی آبدار ایسا بھی ہے

    ویڈیو
    This video is playing from YouTube

    Videos
    This video is playing from YouTube

    نصیرا لد ین  شاہ

    نصیرا لد ین شاہ

    RECITATIONS

    نعمان شوق

    نعمان شوق

    نعمان شوق

    مرزا غالبؔ نعمان شوق

    مآخذ:

    • کتاب : کلیات اقبال (Pg. 26)
    • Author : علامہ اقبال
    • مطبع : ایجوکیشنل پبلشنگ ہاؤس،دہلی (2014)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY