moD

nikalnā daftaroñ se aur ghar ko lauT jaanā

yahī to zindagī hai aaj sab kī

vo koī dost yā mahbūb koī ho

sabhī ko jald manzil par pahuñchne kī paḌī hai

vo manzil kyā hai un ke ghar

jo haiñ ik ghoñsle jaise

ye chiḌiyoñ kī tarah ik saath daftar se nikalte haiñ

jo ek ik kar ke ek ik moḌ par kam hote jaate haiñ

aur āḳhir meñ yahī āvārgī bachtī hai mere saath hai jo

tumheñ samjhā rahā huuñ bas

mire ġhusse ko samjho tum

magar ġhussa nahīñ vājib

ki mumkin hī nahīñ duniyā ham āvāra logoñ kā koī bhī saath de paa.e

tumhārā saath bhī ik moḌ tak hai

nikalna daftaron se aur ghar ko lauT jaana

yahi to zindagi hai aaj sab ki

wo koi dost ya mahbub koi ho

sabhi ko jald manzil par pahunchne ki paDi hai

wo manzil kya hai un ke ghar

jo hain ek ghonsle jaise

ye chiDiyon ki tarah ek sath daftar se nikalte hain

jo ek ek kar ke ek ek moD par kam hote jate hain

aur aaKHir mein yahi aawargi bachti hai mere sath hai jo

tumhein samjha raha hun bas

mere ghusse ko samjho tum

magar ghussa nahin wajib

ki mumkin hi nahin duniya hum aawara logon ka koi bhi sath de pae

tumhaara sath bhi ek moD tak hai