محبت
محبت خدا کی حقیقت کا نور
محبت کسی کا پیام ظہور
محبت کے پیغامبر انبیا
محبت کے زیر اثر اولیا
محبت نقوش بیاض وجود
تر و تازہ اس سے ریاض شہود
محبت نہیں تو نہیں زندگی
محبت سے ہے دل نشیں زندگی
محبت سے ہر ذرہ پیوستہ ہے
طرب زا محبت کا گلدستہ ہے
نشاط محبت رفیق حیات
کئے اس نے حل زندگی کے نکات
محبت سے ہر اک حقیقت عیاں
محبت سے ماں کی فضیلت عیاں
محبت سے شان پدر سر بلند
محبت سے وصف پسر ارجمند
محبت سے مضبوط اجزائے قوم
محبت سے مربوط آرائے قوم
محبت سے قائم نظام حیات
تغیر میں بھی ان کا نور ثبات
محبت نہیں ہے تو کچھ بھی نہیں
محبت ہی ہے اصل دنیا و دیں
مأخذ:
نمود زندگی (Pg. 23)
- مصنف: علی منظور حیدرآبادی
-
- ناشر: اعظم اسٹیم پریس، حیدرآباد
- سن اشاعت: 1940
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
