mohabbat

Obaidullah Aleem

mohabbat

Obaidullah Aleem

MORE BYObaidullah Aleem

    maiñ jism o jaañ ke tamām rishtoñ se chāhtā huuñ

    nahīñ samajhtā ki aisā kyuuñ hai

    na ḳhāl-o-ḳhad jamāl us meñ na zindagī kamāl koī

    jo koī us meñ hunar bhī hogā

    to mujh ko is ḳhabar nahīñ hai

    na jaane phir kyūñ!

    maiñ vaqt ke dā.eroñ se bāhar kisī tasavvur meñ uḌ rahā huuñ

    ḳhayāl meñ ḳhvāb o ḳhalvat-e-zāt o jalvat-e-bazm meñ shab o roz

    mirā lahū apnī gardishoñ meñ usī tasbīh paḌh rahā hai

    jo merī chāhat se be-ḳhabar hai

    kabhī kabhī vo nazar churā kar qarīb se mere yuuñ bhī guzrā

    ki jaise vo bā-ḳhabar hai

    merī mohabbatoñ se

    dil o nazar hikāyateñ sun rakhī haiñ us ne

    mirī sūrat

    vo vaqt ke dā.eroñ se bāhar kisī tasavvur meñ uḌ rahā hai

    ḳhayāl meñ ḳhvāb o ḳhalvat-e-zāt o jalvat-e-bazm meñ shab o roz

    vo jism o jaañ ke tamām rishtoñ se chāhtā hai

    magar nahīñ jāntā ye vo bhī

    ki aisā kyuuñ hai

    maiñ sochtā huuñ vo sochtā hai

    kabhī mile ham to ā.īnoñ ke tamām bātin ayaañ kareñge

    haqīqatoñ safar kareñge

    main jism o jaan ke tamam rishton se chahta hun

    nahin samajhta ki aisa kyun hai

    na KHal-o-KHad ka jamal us mein na zindagi ka kamal koi

    jo koi us mein hunar bhi hoga

    to mujh ko is ki KHabar nahin hai

    na jaane phir kyun!

    main waqt ke daeron se bahar kisi tasawwur mein uD raha hun

    KHayal mein KHwab o KHalwat-e-zat o jalwat-e-bazm mein shab o roz

    mera lahu apni gardishon mein usi ki tasbih paDh raha hai

    jo meri chahat se be-KHabar hai

    kabhi kabhi wo nazar chura kar qarib se mere yun bhi guzra

    ki jaise wo ba-KHabar hai

    meri mohabbaton se

    dil o nazar ki hikayaten sun rakhi hain us ne

    meri hi surat

    wo waqt ke daeron se bahar kisi tasawwur mein uD raha hai

    KHayal mein KHwab o KHalwat-e-zat o jalwat-e-bazm mein shab o roz

    wo jism o jaan ke tamam rishton se chahta hai

    magar nahin jaanta ye wo bhi

    ki aisa kyun hai

    main sochta hun wo sochta hai

    kabhi mile hum to aainon ke tamam baatin ayan karenge

    haqiqaton ka safar karenge

    RECITATIONS

    Obaidullah Aleem

    Obaidullah Aleem

    Obaidullah Aleem

    mohabbat Obaidullah Aleem

    Source:

    • Book : Chand Chehra Sitara Aankhen (Pg. 23)
    • Author : Obaidullah Aleem
    • Publication : Al-Ibas Printers (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY