muhasara

Ahmad Faraz

muhasara

Ahmad Faraz

MORE BYAhmad Faraz

    INTERESTING FACT

    A biting satire on Zia-ul-Haq military regime. Ahmad Faraz was arrested right after the mushaira for reciting this nazm.

    mire ġhanīm ne mujh ko payām bhejā hai

    ki halqa-zan haiñ mire gird lashkarī us ke

    fasīl-e-shahr ke har burj har manāre par

    kamāñ-ba-dast sitāda haiñ askarī us ke

    vo barq lahar bujhā ga.ī hai jis tapish

    vajūd-e-ḳhāk meñ ātish-fishāñ jagātī thī

    bichhā diyā gayā bārūd us ke paanī meñ

    vo jū-e-āb jo merī galī ko aatī thī

    sabhī durīda-dahan ab badan-darīda hue

    supurd-e-dār-o-rasan saare sar-kashīda hue

    tamām suufī o sālik sabhī shuyūḳh o imaam

    umīd-e-lutf pe aivān-e-kaj-kulāh meñ haiñ

    mo.azzazīn-e-adālat bhī half uThāne ko

    misāl-e-sā.il-e-mubarram nashista raah meñ haiñ

    tum ahl-e-harf ki pindār ke sanā-gar the

    vo āsmān-e-hunar ke nujūm sāmne haiñ

    bas ik musāhib-e-darbār ke ishāre par

    gadā-garān-e-suḳhan ke hujūm sāmne haiñ

    qalandarān-e-vafā asaas to dekho

    tumhāre saath hai kaun ās-pās to dekho

    so shart ye hai jo jaañ amaan chāhte ho

    to apne lauh-o-qalam qatl-gāh meñ rakh do

    vagarna ab ke nishāna kamān-dāroñ

    bas ek tum ho so ġhairat ko raah meñ rakh do

    ye shart-nāma jo dekhā to elchī se kahā

    use ḳhabar nahīñ tārīḳh kyā sikhātī hai

    ki raat jab kisī ḳhurshīd ko shahīd kare

    to sub.h ik nayā sūraj tarāsh laatī hai

    so ye javāb hai merā mire adū ke liye

    ki mujh ko hirs-e-karam hai na ḳhauf-e-ḳhamyāza

    use hai satvat-e-shamshīr par ghamanD bahut

    use shikoh-e-qalam nahīñ hai andāza

    mirā qalam nahīñ kirdār us muhāfiz

    jo apne shahr ko mahsūr kar ke naaz kare

    mirā qalam nahīñ kaasa kisī subuk-sar

    jo ġhāsiboñ ko qasīdoñ se sarfarāz kare

    mirā qalam nahīñ auzār us naqab-zan

    jo apne ghar chhat meñ shigāf Dāltā hai

    mirā qalam nahīñ us duzd-e-nīm-shab rafīq

    jo be-charāġh gharoñ par kamand uchhāltā hai

    mirā qalam nahīñ tasbīh us maballiġh

    jo bandagī bhī har dam hisāb rakhtā hai

    mirā qalam nahīñ mīzān aise aadil

    jo apne chehre pe dohrā naqāb rakhtā hai

    mirā qalam to amānat hai mere logoñ

    mirā qalam to adālat mire zamīr hai

    isī liye to jo likkhā tapāk-e-jāñ se likhā

    jabhī to loch kamāñ zabān tiir hai

    maiñ kaT girūñ ki salāmat rahūñ yaqīñ hai mujhe

    ki ye hisār-e-sitam koī to girā.egā

    tamām umr īzā-nasībiyoñ qasam

    mire qalam safar rā.egāñ na jā.egā

    sarisht-e-ishq ne uftādgī nahīñ paa.ī

    qadd-e-sarv na biinī o sāya-paimā.ī

    mere ghanim ne mujh ko payam bheja hai

    ki halqa-zan hain mere gird lashkari us ke

    fasil-e-shahr ke har burj har manare par

    kaman-ba-dast sitada hain askari us ke

    wo barq lahar bujha di gai hai jis ki tapish

    wajud-e-KHak mein aatish-fishan jagati thi

    bichha diya gaya barud us ke pani mein

    wo ju-e-ab jo meri gali ko aati thi

    sabhi durida-dahan ab badan-darida hue

    supurd-e-dar-o-rasan sare sar-kashida hue

    tamam sufi o salik sabhi shuyuKH o imam

    umid-e-lutf pe aiwan-e-kaj-kulah mein hain

    moazzazin-e-adalat bhi half uThane ko

    misal-e-sail-e-mubarram nashista rah mein hain

    tum ahl-e-harf ki pindar ke sana-gar the

    wo aasman-e-hunar ke nujum samne hain

    bas ek musahib-e-darbar ke ishaare par

    gada-garan-e-suKHan ke hujum samne hain

    qalandaran-e-wafa ki asas to dekho

    tumhaare sath hai kaun aas-pas to dekho

    so shart ye hai jo jaan ki aman chahte ho

    to apne lauh-o-qalam qatl-gah mein rakh do

    wagarna ab ke nishana kaman-daron ka

    bas ek tum ho so ghairat ko rah mein rakh do

    ye shart-nama jo dekha to elchi se kaha

    use KHabar nahin tariKH kya sikhati hai

    ki raat jab kisi KHurshid ko shahid kare

    to subh ek naya suraj tarash lati hai

    so ye jawab hai mera mere adu ke liye

    ki mujh ko hirs-e-karam hai na KHauf-e-KHamyaza

    use hai satwat-e-shamshir par ghamanD bahut

    use shikoh-e-qalam ka nahin hai andaza

    mera qalam nahin kirdar us muhafiz ka

    jo apne shahr ko mahsur kar ke naz kare

    mera qalam nahin kasa kisi subuk-sar ka

    jo ghasibon ko qasidon se sarfaraaz kare

    mera qalam nahin auzar us naqab-zan ka

    jo apne ghar ki hi chhat mein shigaf Dalta hai

    mera qalam nahin us duzd-e-nim-shab ka rafiq

    jo be-charagh gharon par kamand uchhaalta hai

    mera qalam nahin tasbih us maballigh ki

    jo bandagi ka bhi har dam hisab rakhta hai

    mera qalam nahin mizan aise aadil ki

    jo apne chehre pe dohra naqab rakhta hai

    mera qalam to amanat hai mere logon ki

    mera qalam to adalat mere zamir ki hai

    isi liye to jo likkha tapak-e-jaan se likha

    jabhi to loch kaman ka zaban tir ki hai

    main kaT girun ki salamat rahun yaqin hai mujhe

    ki ye hisar-e-sitam koi to giraega

    tamam umr ki iza-nasibiyon ki qasam

    mere qalam ka safar raegan na jaega

    sarisht-e-ishq ne uftadgi nahin pai

    tu qadd-e-sarw na bini o saya-paimai

    Videos
    This video is playing from YouTube

    Videos
    This video is playing from YouTube

    Ahmad Faraz

    Ahmad Faraz

    Source
    • Book : kulliyat-e-ahmad Faraz (Pg. 653)

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY