mujhe talash karo

Ahmad Nadeem Qasmi

mujhe talash karo

Ahmad Nadeem Qasmi

MORE BY Ahmad Nadeem Qasmi

    INTERESTING FACT

    (فنون، لاہور، دسمبر 1973ء)

    shajar se TuuT ke jab maiñ girā kahāñ pe girā

    mujhe talāsh karo

    jin āñdhiyoñ ne mirī sar-zamīñ udheḌī thī

    vo aaj maulid-e-īsā meñ gard uḌātī haiñ

    jo ho sake to unhī se mirā pata pūchho

    mujhe talāsh karo

    chalī jo mashriq-o-maġhrib se tund-o-tez havā

    mire shajar ne mujhe pyaar se sameT liyā

    mujhe lapeT liyā apnī kitnī bāhoñ meñ

    ye be-lihāz anāsir magar ba-zid rahe

    maiñ barg-e-sabz girā barg-e-zard mānind

    usī sulagtī huī raakh patāvar meñ

    jo bichh rahī hai ufuq se ufuq ke paar talak

    mujhe talāsh karo

    shajar se kaT ke zabāñ kaT ga.ī na ho merī

    maiñ chīḳhtā huuñ magar harf-e-nā-shunīda huuñ

    hayāt-e-tāza hai merī shajar se merā milāp

    ki bas vahī mirī bālīdgī mamba.a hai

    jo regzār meñ chhitnār dekhne haiñ tumheñ

    mujhe talāsh karo

    falak ke raaz to khulte raheñge ham-nafaso

    mire vajūd bhī ab to raaz faash karo

    mujhe talāsh karo

    shajar se TuT ke jab main gira kahan pe gira

    mujhe talash karo

    jin aandhiyon ne meri sar-zamin udheDi thi

    wo aaj maulid-e-isa mein gard uDati hain

    jo ho sake to unhi se mera pata puchho

    mujhe talash karo

    chali jo mashriq-o-maghrib se tund-o-tez hawa

    mere shajar ne mujhe pyar se sameT liya

    mujhe lapeT liya apni kitni bahon mein

    ye be-lihaz anasir magar ba-zid hi rahe

    main barg-e-sabz gira barg-e-zard ki manind

    usi sulagti hui rakh si patawar mein

    jo bichh rahi hai ufuq se ufuq ke par talak

    mujhe talash karo

    shajar se kaT ke zaban kaT gai na ho meri

    main chiKHta hun magar harf-e-na-shunida hun

    hayat-e-taza hai meri shajar se mera milap

    ki bas wahi meri baalidgi ka mamba hai

    jo regzar mein chhitnar dekhne hain tumhein

    mujhe talash karo

    falak ke raaz to khulte rahenge ham-nafaso

    mere wajud ka bhi ab to raaz fash karo

    mujhe talash karo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites