museum

jāgtā huuñ to sitāre mirī āñkhoñ meñ utar jaate haiñ

niiñd aatī hai to mahtāb sā chehra terā

ā.īna mujh ko dikhātā hai ka.ī chehroñ kā

dekhte dekhte ḳhvāboñ meñ ka.ī ḳhvāb bikhar jaate haiñ

vaqt kī galiyoñ meñ āvāra liye phirtā hai ehsās-e-jamāl

maiñ safīne kī tarah dekhtā rahtā huuñ tujhe

chāñdnī merā kafan terī qabā bantī hai

mauj-e-ehsās meñ rūhoñ kā safar jaarī hai

ham jo zinda the jo zinda haiñ na zinda hoñge

ek lamha kisī ra.anā.ī kā paikar thā kabhī

mere ḳhvāboñ kā lahū mujh se liye jaatā hai

ek lamhe ne tarāshā hai mujhe jaam kī sūrat tujh ko

sar-e-bāzār dikhāyā hai ki tū mīnā-ba-dosh

ā.ina-ḳhāne meñ nīlām kī tasvīr dikhā.ī dī hai

raqs lamhoñ kā vahī fann-e-ḳharīdārī hai

aaj sarma-e-aflās vo fan kī qasam khāte rahe haiñ barsoñ

gardish-e-jām meñ kyuuñ jaam sar-e-shām samajhte haiñ mujhe

kyuuñ tire jism ke patthar ko samajhte haiñ ki tū mīnā-ba-dosh

in kī āġhosh meñ chup-chāp chalī jā.egī

ham to rūheñ haiñ jinheñ chāñd kafan-doz kiye jaatā hai

ham sar-e-dast jo patthar bhī haiñ shahkār bhī haiñ

TuuT jaate haiñ bikhar jaate haiñ mar jaate haiñ

kis liye hasrat-e-be-dād ko siine se lagāyā thā kabhī

jagta hun to sitare meri aankhon mein utar jate hain

nind aati hai to mahtab sa chehra tera

aaina mujh ko dikhata hai kai chehron ka

dekhte dekhte KHwabon mein kai KHwab bikhar jate hain

waqt ki galiyon mein aawara liye phirta hai ehsas-e-jamal

main safine ki tarah dekhta rahta hun tujhe

chandni mera kafan teri qaba banti hai

mauj-e-ehsas mein ruhon ka safar jari hai

hum jo zinda the jo zinda hain na zinda honge

ek lamha kisi ranai ka paikar tha kabhi

mere KHwabon ka lahu mujh se liye jata hai

ek lamhe ne tarasha hai mujhe jam ki surat tujh ko

sar-e-bazar dikhaya hai ki tu mina-ba-dosh

aaina-KHane mein nilam ki taswir dikhai di hai

raqs lamhon ka wahi fann-e-KHaridari hai

aaj sarma-e-aflas wo fan ki qasam khate rahe hain barson

gardish-e-jam mein kyun jam sar-e-sham samajhte hain mujhe

kyun tere jism ke patthar ko samajhte hain ki tu mina-ba-dosh

in ki aaghosh mein chup-chap chali jaegi

hum to ruhen hain jinhen chand kafan-doz kiye jata hai

hum sar-e-dast jo patthar bhi hain shahkar bhi hain

TuT jate hain bikhar jate hain mar jate hain

kis liye hasrat-e-be-dad ko sine se lagaya tha kabhi