na qael hote hain na zail

banjar chehre

jin par

na bārish kī pahlī buuñd kā

iz.hār ugtā hai

na aate jaate lamhoñ kā

koī iqrār inkār

na itmīnān na Dar

āñkheñ

jin meñ koī nigāh

palkoñ se nahīñ ulajhtī

baaqī havās bhī

ḳhushbū aur ḳhushbū kī shohrat se

āvāz aur āvāz kī quvvat se

yaksar aarī haiñ

kaun haiñ ye log

kis mauj-e-fuzūliyat kī zad meñ aa ga.e haiñ

chup khaḌe haiñ

aur ham

din bhar meñ

shahr ke saare

farishtoñ aur shaitānoñ se

mil kar lauT aate haiñ

magar ye chup khaḌe haiñ

na qaa.el hote haiñ

na zā.il!

in se hamārā ta.alluq

abhī tak vāzeh nahīñ huā

ta.alluq is liye

ki ham mazdūr haiñ

aur ye jānñe kā

ishtiyāq rakhte haiñ

hameñ kyā kaam milegā

in ke liye tower banāne kā

ki in ke liye qabreñ khodne kaa!

banjar chehre

jin par

na barish ki pahli bund ka

izhaar ugta hai

na aate jate lamhon ka

koi iqrar inkar

na itminan na Dar

aankhen

jin mein koi nigah

palkon se nahin ulajhti

baqi hawas bhi

KHushbu aur KHushbu ki shohrat se

aawaz aur aawaz ki quwwat se

yaksar aari hain

kaun hain ye log

kis mauj-e-fuzuliyat ki zad mein aa gae hain

chup khaDe hain

aur hum

din bhar mein

shahr ke sare

farishton aur shaitanon se

mil kar lauT aate hain

magar ye chup khaDe hain

na qael hote hain

na zail!

in se hamara talluq

abhi tak wazeh nahin hua

talluq is liye

ki hum mazdur hain

aur ye jaanne ka

ishtiyaq rakhte hain

hamein kya kaam milega

in ke liye tower banane ka

ki in ke liye qabren khodne ka!