nala-e-firaq

Allama Iqbal

nala-e-firaq

Allama Iqbal

MORE BYAllama Iqbal

    Interesting Fact

    (In Memory of Arnold (Part I: Till 1905 (Bang Dara)- This poem was written by Iqbal in memory of his kind teacher Dr. Arnold. As Maulana Sayyad Mir Hasan kindled the love forPersion poetry in Iqbal, in the same way, Arnold also made Iqbal an admirer of philosophy.

    basā maġhrib meñ āḳhir ai makāñ terā makīñ

    aah! mashriq pasand aa.ī na us ko sarzamīñ

    aa gayā aaj is sadāqat mire dil ko yaqīñ

    zulmat-e-shab se ziyā-e-roz-e-furqat kam nahīñ

    ''tāz āġhosh-e-vidā'ish dāġh-e-hairat chīda ast

    ham-chū sham-e-kushta dar-chashm-e-nigah ḳhvābīda ast''

    kushta-e-uzlat huuñ ābādī meñ ghabrātā huuñ maiñ

    shahr se saudā shiddat meñ nikal jaatā huuñ maiñ

    yād-e-ayyām-e-salaf se dil ko taḌpātā huuñ maiñ

    bahr-e-taskīñ terī jānib dauḌtā aatā huuñ maiñ

    aañkh ko mānūs hai tere dar-o-dīvār se

    ajnabiyyat hai magar paidā mirī raftār se

    zarra mere dil ḳhurshīd-āshnā hone ko thā

    aa.ina TuuTā huā ālam-numā hone ko thā

    naḳhl merī ārzūoñ harā hone ko thā

    aah! kyā jaane koī maiñ kyā se kyā hone ko thaa!

    abr-e-rahmat dāman-az-gulzār-e-man barchīd-o-raft

    añdkai bar-ġhuncha haa.e aarzū bārīd-o-raft

    kahāñ hai ai kalīm-e-zarra-e-sīnā-e-ilm!

    thī tirī mauj-e-nafas bād-e-nashāt-afzā-e-ilm

    ab kahāñ vo shauq-e-rah-paimā.ī-e-sahrā-e-ilm

    tere dam se thā hamāre sar meñ bhī saudā-e-ilm

    ''shor-e-lailā ko ki bāz-ārā.ish-e-saudā kunad

    ḳhāk-e-majnūñ-rā ġhubār-e-ḳhātir-e-sahrā kunad''

    khol degā dasht-e-vahshat uqda-e-tadīr ko

    toḌ kar pahuñchūñgā maiñ punjab zanjīr ko

    dekhtā hai dīda-e-hairāñ tirī tasvīr ko

    kyā tasallī ho magar girvīda-e-taqrīr ko

    ''tāb-e-goyā.ī nahīñ rakhtā dahan tasvīr

    ḳhāmushī kahte haiñ jis ko hai suḳhan tasvīr kaa''

    ja basa maghrib mein aaKHir ai makan tera makin

    aah! mashriq ki pasand aai na us ko sarzamin

    aa gaya aaj is sadaqat ka mere dil ko yaqin

    zulmat-e-shab se ziya-e-roz-e-furqat kam nahin

    taz aaghosh-e-wida'ish dagh-e-hairat chida ast

    ham-chu sham-e-kushta dar-chashm-e-nigah KHwabida ast

    kushta-e-uzlat hun aabaadi mein ghabraata hun main

    shahr se sauda ki shiddat mein nikal jata hun main

    yaad-e-ayyam-e-salaf se dil ko taDpata hun main

    bahr-e-taskin teri jaanib dauDta aata hun main

    aankh ko manus hai tere dar-o-diwar se

    ajnabiyyat hai magar paida meri raftar se

    zarra mere dil ka KHurshid-ashna hone ko tha

    aaina TuTa hua aalam-numa hone ko tha

    naKHl meri aarzuon ka hara hone ko tha

    aah! kya jaane koi main kya se kya hone ko tha!

    abr-e-rahmat daman-az-gulzar-e-man barchid-o-raft

    andkai bar-ghuncha hae aarzu barid-o-raft

    tu kahan hai ai kalim-e-zarra-e-sina-e-ilm!

    thi teri mauj-e-nafas baad-e-nashat-afza-e-ilm

    ab kahan wo shauq-e-rah-paimai-e-sahra-e-ilm

    tere dam se tha hamare sar mein bhi sauda-e-ilm

    shor-e-laila ko ki baz-araish-e-sauda kunad

    KHak-e-majnun-ra ghubar-e-KHatir-e-sahra kunad

    khol dega dasht-e-wahshat uqda-e-tadir ko

    toD kar pahunchunga main punjab ki zanjir ko

    dekhta hai dida-e-hairan teri taswir ko

    kya tasalli ho magar girwida-e-taqrir ko

    tab-e-goyai nahin rakhta dahan taswir ka

    KHamushi kahte hain jis ko hai suKHan taswir ka

    Source :
    • Book : Kulliyat-e-iqbal (Pg. 77)
    • Author : Allama Mohd. Iqbal
    • Publication : Educational Publishing House (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY